Электр таъминоти ва электр тармоšлари

I = abcI₀

бу ерда I₀ –уч толали, кучланиши 10 кВ, мис ёки алюминий толали кабель учун 1.3.27 – жадвал (мазкур Қоидаларнинг 1- иловаси) бўйича аниқланадиган узоқ муддат рухсат этилган ток; a - кабелни кесим юзасига ва блокда жойлашишига қараб 1.3.28 – жадвал (мазкур Қоидаларнинг 1- иловаси) бўйича танланадиган коэффициент; b- кабелнинг кучланишига боғлиқ холда танланадиган коэффициент:

номинал кучланиши, кВ	3 гача	6	10
коэффициент b	1,09	1,05	1,00

с – бутун блокни бир суткадаги ўрта юкламасига боғланган ҳолда танланадиган коэффициент:

суткадаги ўртача юкланиш Sўр. сут. /Sном	1	0,85	0,7
коэффициент с	1	1,07	1,16

Заҳирадаги кабелларни, агар улар ишчи кабеллар ўчирилганида ишлайдиган бўлса, блокнинг номерланмаган каналларида ётқазилишига рухсат этилади.

1.3.21. Бир хил кўринишдаги иккита параллел блокда ётказилган кабеллар учун узоқ муддат рухсат этилган токлар блоклар орасидаги масофага қараб танланадиган коэффициентларга кўпайтириш йўли билан камайтирилиши керак:

блоклар орасидаги масофа, мм	500	1000	1500	2000	2500	3000
коэффициент	0,85	0,89	0,91	0,93	0,95	0,96

Изоляцияланмаган сим ва шиналар учун узоқ муддат рухсат этилган токлар

1.3.22. Изоляцияланмаган симлар ва бўялган шиналар учун узоқ муддат рухсат этилган токлар 1.3.29 -1.3.36 - жадвалларда келтирилган. Улар ҳаво ҳарорати +25^ОС бўлганда сим ва шиналарнинг рухсат этилган қизиш ҳарорати +70^ОС бўлган ҳоллар учун қабул қилинган.

ПА 500 ва ПА 600 маркали ковак алюминий симлар учун узоқ муддат рухсат этилган ток қуйидагича қабул қилиниши керак:
Симнинг маркаси ПА 500 ПА 600
Ток, А 1340 1680
1.3.23. Тўғри бурчак шаклидаги кесимли шиналар кенг ёни билан ётқазилганда 1.3.31- жадвалда келтирилган токлар шинанинг кенглиги 60 мм гача бўлганда 5% га , 60 мм дан ортиқ бўлганда 8% га камайтирилиши керак.
1.3.24. Катта кесим юзали шиналар танлашда юза эффекти ва яқинлик эффектидан келиб чиққан ҳолда энг кам қўшимча йўқолишларни ва энг яхши совутиш шароитларини (пакетдаги тасмалар сонини камайтирилиши, пакетни рационал конструкциясини танлаш, керакли профилдаги шиналарни қўллаш ва ҳоказо) таъминлайдиган, ўтказиш қобилияти бўйича энг иқтисодий конструктив қарорларни танлаш керак.