Электр таъминоти ва электр тармоšлари

Резина ёки пластмасса изоляцияли симлар, шнурлар ва кабеллар учун узоқ муддат рухсат этилган токлар.

1.3.10. Резина ёки поливинилхлорид изоляцияли симлар, резина изоляцияли шнурлар ва резина ёки пластмасса изоляцияли қўрғошин, поливинилхлорид ва резина қобиқлардаги кабеллар учун узоқ муддат рухсат этилган токлар 1.3.4 – 1.3.11 – жадвалларда (мазкур Қоидаларнинг 1-иловаси) келтирилган. Улар толаларнинг +65, атроф ҳавонинг+25 ва ернинг +15^ОС ҳарорати учун қабул қилинган.

Битта қувурда ётқизиладиган симлар сонини (ёки кўп толали ўтказгичнинг толалар сонини) аниқлашда уч фазали токнинг тўрт симли системасидаги ноль ишчи ўтказгич, шунингдек ерга уловчи ва ноль симига уловчи ҳимоя ўтказгичлар ҳисобга қабул қилинмайди.
1.3.4 ва 1.3.5 - жадваллардаги маълумотларни қувурлар сони ва улар ётқазилган жойдан (ҳавода, шипларда, пойдеворларда) қатьий назар қўллаш лозим.
Короб ва лотокларда дасталаб ётқазилган симлар ва кабеллар учун узоқ муддат рухсат этилган токлар: симлар учун – қувурларда ўтқазилган симлар каби 1.3.4 ва 1.3.5 – жадваллар бўйича; кабеллар учун – ҳавода ўтказилган кабеллардагидек 1.3.6 – 1.3.8 – жадваллар бўйича қабул қилиниши керак. Қувурлар, коробларда бир вақтда юкланган симларнинг сони тўрттадан ошганда, шунингдек улар лотокларда дасталаб ётқизилганда, бундай симлар учун токлар ҳудди очиқ (ҳавода) ўтказилган симлар каби 1.3.4 ва 1.3.5 – жадваллар бўйича ва 5 ва 6 та симлар учун- 0,68; 7 – 9 та симлар учун - 0,63 ва 10 – 12 та симлар учун – 0,6 пасайтирувчи коэффициентлар киритилиб қабул қилиниши керак.
Иккиламчи занжирларнинг симлари учун пасайтирувчи коэффициентлар киритилмайди.
1.3.11. Лотокларда бир қатор қилиб (дасталаб эмас) ётқизилган симлар учун узоқ муддат рухсат этилган токларни ҳудди ҳавода ўтказилган симлар каби қабул қилиш лозим.
Коробларда ётқазилган сим ва кабеллар учун узоқ муддат рухсат этилган токлар ҳудди очиқ (ҳавода) якка ўтказилган сим ва кабеллар каби 1.3.4 – 1.3.7- жадвалларга биноан ва 1.3.12 – жадвалда (мазкур Қоидаларнинг 1 - иловаси) кўрсатилган пасайтирувчи коэффициентларни қўллаб қабул қилиш керак.
Пасайтирувчи коэффициентларни танлашда назорат ва заҳира симлар ва кабеллар ҳисобга олинмайди.