Электр таъминоти ва электр тармоšлари

Нейтрали изоляцияланган тармоқнинг кучланиши 1000 В дан юқори электр қурилмалари

1.7.57. Нейтрали изоляцияланган тармоқнинг 1000 В дан юқори электр қурилмаларида ерга улаш қурилмасининг қаршилиги R, Ом, ҳисобланган ерга туташиш токи ўтаётганда йилнинг исталган вақтида, табиий ерга улагичлар ҳисобга олинганда қуйидагилардан катта бўлмаслиги керак:

ерга улаш қурилмаси бир пайтнинг ўзида кучланиши 1000 В гача электр қурилмалар учун фойдаланилганда


R = 125/I,

бу ерда I – ҳисобланган ерга туташиш токи, А.

Бунда, шунингдек 1000 В гача электр қурилмаларни ерга улашга (ноль симига улашга) бўлган талаблар ҳам бажарилиши керак;

ерга улаш қурилмаси фақат 1000 В дан юқори электр қурилмалар учун фойдаланилганда


R = 250/I.

1.7.58. Ҳисобланган ток сифатида қуйидагилар қабул қилинади:

1) сиғим токлари компенсацияланмайдиган тармоқларда – тўлиқ ерга туташиш токи;
2) сиғим токлари компенсацияланадиган тармоқларда:
компенсацияловчи аппаратлар уланган ерга улаш қурилмалари учун – ушбу аппаратлар номинал токининг 125% га тенг ток;
компенсацияловчи аппаратлар уланмаган ерга улаш қурилмалари учун – энг қувватли компенсацияловчи аппаратлардан бирортаси ёки тармоқнинг кўпроқ шахобчаланган қисми ўчганда мазкур тармоқдан ўтаётган ерга туташишнинг қолдиқ токи.
Ҳисобланган ток сифатида сақлагичларнинг эриш токи ёки релели химоянинг бир фазали ерга туташишлардан ёки фазалараро туташишлардан ишлаш токи қабул қилиниши мумкин, агар охирги холатда химоя ерга туташишларни ўчирилишини таъминлайдиган бўлса. Бунда, ерга туташиш токи релели химоянинг ишлаш токининг бир ярим баробаридан ёки сақлагичнинг номинал токининг уч баробаридан кам бўлмаслиги керак.
Ҳисобланган ерга туташиш токи, эксплуатация шароитида ушбу ток энг катта миқдорга эга бўлиши мумкин бўлган тармоқ схемаси учун аниқланиши керак.
1.7.59. Нейтрали изоляцияланган тармоқларнинг 1000 В дан юқори очиқ электр қурилмаларида, ускуна эгаллаган майдон атрофида 0,5 м дан кам бўлмаган чуқурликда ерга уланадиган ускуна уланадиган ёпиқ горизонтал ерга улагич (контур) ётқизилган бўлиши керак. Агар ерга улаш қурилмасининг қаршилиги 10 Ом дан ортиқ бўлса, (мазкур Қоидаларнинг 1.7.69-бандига мувофиқ солиштирма қаршилиги 500 Ом/м дан ортиқ ер учун) ускуналар қаторлари бўйлаб, ҳизмат кўрсатиш томонидан 0,5 м чуқурликда ва ускунанинг фундаменти ёки асосидан 0,8-1,0 м масофада қушимча горизонтал ерга улагичлар ётқизилиши лозим.