Электр таъминоти ва электр тармоšлари

Техник ҳисобга олиш 
 
1.5.39. Агрегатлари (блоклари) информацион ёки бошқарувчи ҳисоблаш машиналари билан жихозланмаган иссиқлик 
электр станцияларида техник-иқтисодий кўрсатгичларни ҳисоблаш имконияти учун ЎЭ тизимида стационар техник ҳисобга 
олиш асбоблари ўрнатилиши лозим. Бунда ўз эҳтиёжлар асосий (1000 В дан юқори) кучланишининг тақсимлаш қурилмаси 
шинасидан таъминланаётган электр двигателларнинг занжирларида ва ушбу шиналардан таъминланаётган барча 
трансформаторларнинг занжирларида актив электр энергияни ҳисобга олиш асбоблари ўрнатилган бўлиши керак. 
1.5.40. Кўндаланг алоқали (умумий пар ўтказгичли) электр станцияларда кўтарувчи трансформаторларнинг генератор 
кучланиши томонида генераторнинг ҳисоб-китоб амалга ошириладиган ҳисобга олиш асбобларини тўғри ишлашини назорат 
қилиш учун (эксплуатация шароитида) фойдаланиладиган актив электр энергияни техник ҳисобга олиш асбоблари
ўрнатилишини техник имконияти назарда тутилган бўлиши керак. 
1.5.41. Техник ҳисобга олиш учун актив электр энергияни ҳисобга олиш асбоблари энерготизимларнинг кучланиши 35 
кВ ва ундан юқори бўлган подстанцияларнинг: 
куч трансформаторларининг кучланиш ўрта ва паст томонларида; 
энерготизим балансидаги кучланиши 6 кВ ва ундан юқори бўлган ҳар бир чиқиб кетаётган линияда ўрнатилиши лозим. 
 
Техник ҳисобга олиш учун реактив электр энергияни ҳисобга олиш асбоблари энерготизимларнинг 35 кВ ва ундан 
юқори кучланишли куч трансформаторларининг кучланиш ўрта ва паст томонларида ўрнатилиши лозим. 
Электр энергиясини ҳисобга олиш асбобларини ўрнатишга бўлган кўрсатилган талаблар, ҳисобга олиш асбоблари билан 
таъминланиб боришдан келиб чиқиб амалга оширилиши керак. 
1.5.42. Цехларда, технологик линияларда энергияни кўп истеъмол қилувчи айрим агрегатларда электр энергиясини 
сарфи лимитига риоя этилишини назорат қилиш учун, маҳсулот ёки ярим маҳсулот бирлигига сарфланаётган электр 
энергиясини аниқлаш учун корхоналарда тегишли стационар ҳисоблагичлар ўрнатилиши керак. 
Агар корхона билан ҳисоб-китоб амалга ошириладиган ҳисобга олиш энерготизимнинг подстанцияларида ёки электр 
станцияларида ўрнатилган ҳисобга олиш асбоблари бўйича олиб бориладиган бўлса, корхонанинг киришида техник ҳисобга 
олиш асбобларини ўрнатиш рухсат этилади. 
Корхоналарда техник ҳисобга олиш асбобларини ўрнатиш ва ечиб олиш учун энергия таъминоти ташкилотининг 
руҳсати талаб ютилмай. 
1.5.43. Корхоналардаги техник ҳисобга олиш асбоблари (ҳисобга олиш асбоблари ва ўлчов трансформаторлари) 
истеъмолчиларнинг ўзларини ихтиёрларида бўлиши керак ва мазкур Қоидаларнинг 1.5.13 (энергия таъминоти 
ташкилотининг пломбасига талаб бундан истисно), 1.5.14 ва 1.5.15- бандлари талабларига жавоб бериши керак. 
1.5.44. Электр энергиясини техник ҳисобга олиш асбобларининг аниқлик классини, ҳисоб-китоб амалга ошириладиган 
ҳисобга олиш асбобларининг аниқлик классидан бир поғона паст танлашга руҳсат этилади (1.5.15-бандга қаранг).