Elektr ta’minoti tizimida energiya nazorati va hisobi

6.1.TT tarkibi va mazmuni
Texnik topshiriqning tuzilishi AT ning tuzilishi bilanbog‘liq bo‘ladi. Buyurtmachi-tashkilot taqdim etilgan texnik topshiriqni tahlili qilish va tanqidiy baholashga ma’suliyat bilan kirishishi kerak. Texnik topshiriqda tizim ishlashining muhim tomonlari yaqqol ko‘rsatilishi zarur.
Bundan tashqari, AT da TT da berilgan talablar ishlab chiquvchini eng samarali texnik, texnik-iqtisodiyva boshqa yechimlarni qidirishi va ishlatishini cheklamasligi kerak. Texnik topshiriq quyidagi bo‘limlardan iborat:

• 
  umumiy ma’lumotlar;
  
• 
  tizimni yaratish (rivojlantirish) vazifasi va maqsadlari;
  
• 
  avtomatlashtirish ob’ektlarining xarakteristikalari;
  
• 
  tizimga talablar;
  
• 
  tizimni yaratish bo‘yicha ishlar tarkibi va mazmuni;
  
• 
  tizimni nazorat qilish va qabul qilish tartibi;
  
• 
  tizimni ishlashga kiritishga avtomatlashtirish ob’ektlarini tayyorlash bo‘yicha ishlar tarkibi va mazmuniga talablar;
  
• 
  hujjatlashtirishga talablar;
  
• 
  ishlab chiqish manbalari;
  
• 
  ilovalar.
  

Tabiiyki, bu yerda sanab o‘tilgan barcha bo‘limlar istalgan topshiriqqa kirishi kerak emas. Ko‘plab talablar ham buyurtmachi, ham ishlab chiquvchi uchun ma’lum bo‘lishi mumkin.
Texnik topshiriqda texnik-iqtisodiy samaradorlikni hisoblash, ishlab chiqarish tarmoq grafigi, ishlab chiquvchiga zarur ob’ekt haqida ma’lumotlar ilova qilinadi. Bunday ma’lumotlar ob’ekt sxemalari (prinsipial, tuzilmaviy, funksional bog‘lanishlar va kommutatsiyalar), binolar bo‘yicha ob’ekt jihozlari va boshqarish tizimini joylashtirish rejalari, kabel kanallarini yotqizish rejalari, boshqarish tizimini ta’minlash uchun mo‘ljallangan manbalarni joylashtirish rejalari, ob’ektni ishlashi vaqt diagrammalari va h.k. bo‘lishi mumkin.
Avtomatlashtirish ob’ektlarining o‘ziga xos xususiyatlari, vazifasi, turi va tizimning ishlashi sharoitlariga bog‘liq ravishda TT bo‘limlarini ilovalar ko‘rinishida rasmiylashtirish, TT qo‘shimcha kichik bo‘limlarini kiritish yoki olib tashlashga ruxsat etiladi.
TT da tizim qismiga AT da TT bo‘limlari mazmunini almashtiradigan bo‘limlar kiritilmaydi.