Elektr energiyasi va nasos stantsiyalaridan foydalanish kafedrasi "tasdiqlayman"

6.2 SHamol energiyasi kadastri.
Ma’lum vaqt oralig‘i (kun, oy, yil) bilan bog‘liq shamol energetikasi
hisoblarini amalga oshirish uchun shamol energiyasi kadastri toʻg‘risida
ma’lumotga ega boʻlish lozim.
SHamol energiyasi kadastri, shamolning miqdor xarakteristikalari boʻlib,
ular asosida shamol agregati ishlab chiqarishi mumkin boʻlgan energiya hamda
uning ishlash davriyligi toʻg‘risida ma’lumot olish imkonini beradi.
SHamol energiyasi kadastriga shamolning quyidagi xarakteristikalari kiradi.
1. Uzoq vaqt oralig‘ida shamolning oʻrtacha tezligi.
2. SHamol oʻrtacha tezligining takrorlanishi.
3. SHamol tezligini kunlik va yillik silijish xarakteristikalari.

4. SHamolli va shamolsiz davrlarning davomiyligi.

5. Bofort shkalasi boʻyicha shamolning tezlik oraliqlari hamda erdagi predmetlarga shamolning ta’siriga mos boʻlgan oʻrtacha oylik va yillik shamol tezligi.
6. SHamolni kuchayishidagi maksimall tezligi.
7. SHamolning yoʻnalishi («shamol guli»).
8. SHamolning turbulentligi (havo oqimining ichki strukturasi).
9. SHamolni kuchayishi, susayishi va koʻtarilishi (birlik vaqt oralig‘ida shamol tezligining oʻzgarishi).
10. SHamol oqimining zichligi (atmosfera bosimi, temperatura va namlikka bog‘liqligi).
11. SHamol oqimi tarkibining fazasi (bir fazali-toza shamol oqimi, ikki
fazali-yomg‘ir tomchilari aralash shamol oqimi, uch fazali-yomg‘ir tomchilari va
boshqa predmetlar aralashgan havo oqimi).