Elektr energetikasi

4. Korxona ichki elektr ta’minoti tizimini hisoblash
Korxonaning ichki elektr ta’minoti tizimi korxona hududidagi yukori va past kuchlanishli kabel bog‘lovlarini, xamda sex transformator podstansiyalari va taqsimlash punktlarini o‘z ichiga oladi. Dastlab korxonaning elektr ta’minotidagi sex podstansiyalarinig yuklamalari va kabel yullari sxemalarini tanlanadi. Berilgan topshirikga asosan elektr ta’minotining ikkita variantini taklif etamiz. Bunda quyidagi talablarni hisobga olamiz:

1. Elektr iste’molchilarni energiya ta’minotining uzluksizligi buyicha ishonchliligi kategoriyasi ta’minlanishi kerak.

2. Elektr uzatish yullarida quvvat va kuchlanish isrofi meyeriy ko‘rsatkichlardan oshmasligi kerak.

3. Minimal texnik-iqtisodiy ko‘rsatkichlar ta’minlanishi lozim.

Elektr ta’minotining ishonchliligi radial yeki magistral elektr tarmoqlardan foydalanib ta’minlanadi. Bundan tashkari ikki transfor­matorli podstansiyalardan foydalaniladi. I va II kategoriya iste’mol­chilari ikki mustakil manbadan ta’minlanishi kerak.

Kuchlanish isrofi buyicha quyidagi talab quyiladi: bosh pasaytiruvchi podstansiyadan to iste’molchigacha yig‘indi kuchlanish isrofi 5 % dan oshmasligi lozim. Agar bu talab bajarilmasa tarmoq kuchlanishi oshiriladi yeki kabel yulining kundalang kesim yuzasi kattarok qilib olinadi. Elektr ta’minoti sxemasining birinchi variantida masalan, radial elektr ta’minoti sxemasi ko‘rib chikiladi. Bunda barcha iste’molchilar bevosita bosh pasaytiruvchi podstansiyaga yeki bosh taqsimlovchi qurilmaga ulanadi. Ikkinchi variantda magistral sxemali variant ko‘rib chiqilishi mumkin.