ƏLƏKBƏr MƏMMƏdov ceyhun yusifov iLqAr Seyfullayev vergİ

Vergİ VƏ TƏrƏqqİ
müəyyən  etməyi  qadağan  edərək,  öz  vergi  daxilolmalarını
saxlamağa çalışır. Digər tərəfdən, onlar vergi sığınacaqlarına
“təzyiq” edir, onlardan öz vergilərini bəyan etməsi üçün zəruri
informasiyanın əldə edilməsini qaydaya salmağa çalışırlar.
Müasir vergi sığınacaqları maliyyə kapitalına xidmətin güclü
infrastrukturunu təklif edir. Son onillikdə ofşor yurisdiksiyaları
ərazisində investisiyalar, hüquq, mühasibat hesabatlılığı, sığorta,
xarici investisiya prosesinin digər aspektləri sahəsində peşəkarlar
kontingenti formalaşmışdır. Bundan inkişaf etməkdə olan yeni
mülk sahibləri öz investisiyalarını daha yaxşı yerləşdirmək üçün
yararlanırlar.
Hazırda arxasında yer kürəsinin ən varlı insanlarına xidmət
üçün  vergi  sığınacaqları  yaratmış  milyardlarla  lobbi  duran
ofşorun xarici təzyiqlərə qarşı necə müqavimət göstərə biləcəyi
sualına cavab vermək çətindir. Hər şey bu maliyyə fəaliyyəti
mərkəzlərinin yerinə yetirdikləri rolun həqiqətənmi qlobal iqti-
sadiyyat şəraitində mütərəqqi olduğunu sübut edib-etməyəcək -
lərindən asılı olacaq.
Nəticə  olaraq,  iqtisadiyyat  üzrə  Nobel  mükafatı  laureatı,
Kolumbiya  Universitetinin  professoru  Cozef  Stiqlitsin  “The
Guardian”da dərc edilmiş “Qloballaşma – yalnız gəlirlər deyil,
həm  də  vergilərdir”  məqaləsindən  olan  sitatı    təqdim  etmək
istərdik: “Dünya Apple-in rəhbəri Tim Kukun (Tim Cook) onun
şirkətinin  öz  vergilərini  tamamilə  ödədiyi  haqqında  sözlərini
gərginliklə  dinlədi  və  elə  görünürdü  ki,  o,  şirkətin  ödəməli
olduğu bütün vergiləri nəzərdə tuturdu. Lakin, əlbəttə ki, bu iki
mövqe arasında böyük fərq mövcuddur. Təəccüblü deyil ki, bu
qədər resursa və ixtira qabiliyyətinə malik Apple şirkəti də qanun
çərçivəsində  hərəkət  edərək,  daha  çox  vergi  ödəməkdən  yan
keçmək üçün əlindən gələni edəcəkdir” [11].

---

---