ƏLƏKBƏr MƏMMƏdov ceyhun yusifov iLqAr Seyfullayev vergİ

Cədvəl 3.3.1. Rifah meyarlarının və rifahın qiymətləndirilməsi
üçün aparılan sorğularda istifadə edilən sualların siyahısı

---

Bir sıra beynəlxalq və hökümətlərarası təşkilatlar əhalinin
rifahını xarakterizə edən göstəricilər sistemlərinin hazırlanması
ilə məşğul olur. Onlardan hər biri öz maraqlarına və səriştələrinə
uyğun  gələn  göstəriciləri  hazırlayır.  Belə  ki,    Ümumdünya
Səhiyyə Təşkilatı  sağlamlığın vəziyyəti və sağlamlığın qorun -
ması ilə bağlı xidmətlərdən istifadə etmək imkanı ilə əlaqədar
suallara,  YUNESKO  təhsil  və  mədəniyyət  göstəricilə rinə,
Beynəlxalq Əmək Təşkilatı əmək münasibətlərinin, məşğulluğun
və işsizliyin xarakteristikasına daha çox diqqət  yetirir.  BMT-nin
tövsiyyəsinə  görə  əhalinin  həyat  səviyyəsi   istehlak  olunan
nemətlərin (maddi və mənəvi)  miqdarı və keyfiyyəti ilə qiymət -
lən dirilir və  bunun üçün əsasən aşağıdakı göstərici qruplarından
istifadə olunur:
1. Əhalinin demoqrafik xarakteristikaları (doğum sayı, ölüm
faizi, xəstələnmə, ömrün uzunluğu).
2. Sanitar-gigiyenik şərait.
3. Ərzaq mallarının istehlakı.
4. Mənzil şəraiti (şərtləri) və uzun müddətli istehlak malları
ilə təmin olunma (avtomobil, soyuducu, televizor və s.).
5. Təhsil (yaranma) və mədəniyyət.
6. İş şəraiti və məşğulluq.
7. Əhalinin gəlirləri və xərcləri.
8. Yaşayış dəyəri və istehlak qiymətləri.
9. Nəqliyyat vasitələri.
10. İstirahətin təşkili, bədən tərbiyəsi və idman.
11. Soisal təminat.
12. İnsan azadlığı.
BMT-nin statistika komissiyası rifahın keyfiyyət baxımından
qiymətləndirilməsi üçün zəruri olan, amma  ekspertlərin fikrincə
əsas xüsusiyyətlərinə aid  olmayan  göstəriciləri əlahiddə qrupda
birləşdirir. Qeyd olunan göstəricilərə aşağıdakılar aid edilir:
• milli gəlir, əhalinin bir nəfərinə düşən ÜDM  və  onun orta
illik artım əmsalı;
• sosial xidmətlərin  həcmi və növləri;
• əhalinin şəxsi istehlakına  çəkilən xərclər və onların struk-
turu;
• əhalinin sıxlığı;
107