Ekvivalentlar qonuni (Oquv-uslubiy qo`llanma) Namunaviy masalalar

Асослар эквиваленти-улар молекуляр массаларини шу асос таркибидаги гидроксил группалар сонига бўлиш орқали топилади. Масалан:



Кислоталар эквиваленти-молекуляр массаларини кислота негизига бўлиш орқали топилади. Масалан:

Охирги мисолда Н₃РО₃ кислота эквивалентини топиш учун кислота моляр массаси 3 га эмас балки 2 га бўлинади, чунки фосфит кислотаси 2 негизлидир.

Тузлар эквиваленти-тузнинг молекуляр массасини шу туз таркибидаги металлнинг валентлиги билан атомлар сони кўпайтмасига бўлиш билан топилади.

Оксидланиш-қайтарилиш реакцияларида иштирок этган органик моддалар эквивалентини топиш учун қайтарувчи берган электронлар сонидан ёки оксидловчи олган электронлар сонидан фойдаланилади. Бунда қайтарувчининг эквивалентини топиш учун унинг массасини берган электронлар сонига, оксидловчининг эквивалентини топиш учун эса, унинг массасини олган электронлар сонига бўлиш керак. Масалан:

Мураккаб модданинг эквиваленти ўзгармас миқдор эмас, у шу модда ишти-рок этадиган реакциядан аниқланади, масалан,

а) Н₃РО₄+NaOH=NaH₂PO₄+H₂O

Бу реакцияда 1 молекула кислота 1 молекула ўювчи натрий билан реакцияга киришади. Шунинг учун кислотанинг эквиваленти унинг молекуляр массасига тенг.

б) Н₃РО₄+2NaOH=Na₂HPO₄+2H₂O

Бу реакцияда 1 молекула кислота 2 молекула ўювчи натрий билан реакцияга киришади. Шунинг учун кислотанинг эквиваленти унинг молекуляр массасини 2 га бўлинганига тенг.

в) Н₃РО₄+3NaOH=Na₃PO₄+3H₂O

Бу реакцияда 1 молекула кислота 3 молекула ўювчи натрий билан реакцияга киришади. Шунинг учун кислотанинг эквиваленти унинг молекуляр массасини 3 га бўлинганига тенг.

Эквивалентлар қонуни асосида биз қуйидагича масалалар ишлаш йўллари билан танишамиз: