Экспериментал психология ва практикум

Текшириллувчи______________________________Сана_______
Экспериментатаор__________________________
Тажриба вақти___________________

Намоён бўлиш тартиби	Намоён қилинган стимуллар	Текширилувчининг жавоблари	Тўғри ифода этилган ҳарфлар миқдори	Изоҳ
1
2
3
4
...
40

Натижаларни қайта ишлаш ва таҳлил қилиш

1. 
   Ҳар икала тест-объектларидаги (М₁ ва М₂) тўпламдан тўғри ифода этилган ҳарфлар миқдорининг ўртача қиймати аниқланади.
   
2. 
   Текширилувчи йўл қўйган хатолар таҳлил этилади (масалан, ҳарфларни аралиштириб юборилиши, чизилишига кўра ёки ифодаланишига кўра яқинлиги).
   
3. 
   Маъноли ва маъносиз материаллари бўйича идрок кўламининг натижаларини таққослаш.
   

2-тажриба.
Экспериментнинг мақсади-кўриш идрок кўлами натижаларини тўлиқ ва хусусий ҳисобот бериш методи бўйича таққослаш.
Методика. Тест-объект сифатида ҳарфларнинг тасодифий тўпламидан фойдаланилади. Ҳар бир синовда иккита горизонтал қаторда ҳар бирида 4 та ҳарфдан иборат, 8 ҳарф тақдим этилади. Тажрибада жами 40 марта синов ўтказилади.
Тажрибани амалга ошириш тартиби. Тажриба икки қисмдан иборат бўлиб, ҳар бирида 20 тадан синов бўлади. Биринчи қисм тўлиқ ҳисобот бериш методи ёрдамида амалга оширилади Дисплеи экранига текширилувчи учун «Диққат қилинг» деган сигнал кўрсатилади ва 2 секундан кейин 50мс вақт муддатида тест-объект экспозицияси намоён қилинади. Текширилувчининг вазифаси эса намоён бўлган ҳарфларни биринчи тажрибадги сингари ишни амалга оширади.Текширилувчининг жавоблари протоколда қайд этилади (2-шакл).
Тажрибанинг иккинчи қисми эса хусусий ҳисобот бериш усулига асосланади. Тест объект материалларини тақдим этилиши билан бир қаторда текширилувчига овоз орқали иш тартиби бўйича йўриқнома берилади. Юқори овоз тони эса матрицанинг юқори қаторидаги, паст тони эса қуйи қаторидаги ҳарфларни ифодалайди. Тажриба бошланишидан олдин овоз тонларининг паст ва баландлашуви нимани ифодалаши тўғрисида кўрсатма берилади. Тажриба вақтида эса овозли кўрсатма тасодифий берилади. Юқори ва паст овоз тони ифода этиладиган ҳолатлар 20 тадан. Текширилувчининг вазифаси овозли кўрсатмага асосланиб, матрица қаторларини идрок этиши керак. Экспериментатор протоколда натижаларни қайд этиб боради.