Экология асослари ва табиатни муҳофаза қилиш (Ўқув- услубий қўлланма) наманган-2011 Ўзбекистон республикаси

Одам экологияси — экологиянинг инсон атрофини ўраб олган табиий ва ижтимоий омиллар таъсирини ўрганувчи бўлими.
Палеобиосфера- қадимги геологик даврдаги биосфера.
Палеоэкология —- экологиянинг геологик даврларда яшаган қазилма ҳолидаги организмларнинг ҳаёт шароитларини ўрганадиган бўлими.
Панимистик—популяциялар орасида эркин чатишадиган турли жинсдаги организмлар.
Пелагиал—дунё океанларининг сув қатлами. У эпипелагиал, батипелагиал ва абиссапелагиал деб аталган тикка зоналарга бўлинади.
Пестицидлар—ўсимликлар, қишлоқ хўжалик маҳсулотлари, ёғочдан, жундан, пахтадан ва теридан тайёрланган материалларни ҳимоя қилиш ҳамда хавфли касалликларни қўзғатувчи ташқи текинхўрларга қарши курашда фойдаланиладиган кимёвий моддалар.
Петробионтлар—тош-шағалли жойларда ва қояларда яшовчн организмлар.
Планктон — сувнинғ оқимига фаол қаршилик кўрсата оямайдиган сув қатламида яшовчи организмлар.
Продуцентлар-ноорганик моддалардан органик моддалар тўпловчи автотроф организмлар.
Пойкилотерм— тана ҳароратини идора қила олмайдиган организмлар. Уларнинг тана ҳарорати ташқи муҳитга боғлиқ бўлади.
Псаммофитлар — кўчиб юрувчи қумларда яшашга мослашган ўсим ликлар
Популяция —бир турга мансуб бўлган индивидлар йиғиндиси ҳисобланиб, умумий генофондга муайян шаронтда ва майдонда тарқалган бўлади.
Психрофил - нисбатан паст ҳароратларда яхши ўсиб, ривожла нувчи совуқсевар организмлар.
Рақобат—жамоада турлар ўртасидаги ҳар қандай қарамақарши муносабатлар. Турлар ўртасида озуқа, бошпана, ёруғлик ва бошқалар учун рақобат бўлади. Яшаш учун кураш ҳам рақобатнинг бир кўринишидир.
Редуцентлар —ҳаёт фаолияти давомида (бактериялар ва замбуруғлар) органик қолдиқларни ноорганик моддаларга парчаловчи организмлар.
Симбиоз—организмларнинг алоқа шаклларидан бири. Бу ерда ҳар икки организм биргаликда яшаб, ўзаро фойда кўради.
Синэкология—-экологиянинг жамоалар тузилиши, энергетикаси, динамикаси, шаклланиши, ташқи муҳит билан ўзаро алоқаси кабиларни ўрганадиган бўлими.