Ekologik xavfsizlik. Environmental safety

Iboralarning terminologik lug’ati 
 
Adaptatsiya  –  organ,  funksiya  yoki  organizmning  muhitning  o’zgaruvchan 
sharoitlariga  moslashuvi,  tirik  organizmlarning  muhitning  muayyan  sharoitlarida 
barqaror yashay olish imkoniyatini ta’minlaydigan morfofiziologik, populyatsiyali va 
boshqa xususiyatlarining yig’indisi, umumiy adaptatsiya (muhit sharoitlarining keng 
diapazoniga  moslashish)  hamda  xususiy  adaptatsiya  (muhitning  mahalliy  va  o’ziga 
xos sharoitlariga moslashish) farqlanadi. 
Akklimatizatsiya  (iqlimlashtirish)  –  populyatsiyalarning  qattiq  tabiiy  yoki 
sun’iy tanlash asosida genetik siljish hisobiga yangi yashash sharoitlariga moslashish 
shakllaridan biri. 
Antropogen  iqlim  o’zgarishlari  –  mahalliy  iqlim  va  mikroiqlimning  insonning 
xo’jalik faoliyati bilan bog’liq o’zgarishlari. 
Antropogen o’zgarishlar –  
insonning xo’jalik faoliyati natijasida tabiatda yuz beradigan o’zgarishlar.