Экологик бошқарув инструментлари

ЭКОЛОГИК БОШҚАРУВ ИНСТРУМЕНТЛАРИ

4.1. Экологик бошқарув инструментлари

4.2. Экологик бошқарув инструментлари эволюцияси

4.3. Экологик сиёсатнинг ривожланиш босқичлари

Экологик бошқарув инструментлари. Ҳозирги вақтда қўлланилаётган экологик бошқарув инструментлари, илгари қайд қилинганидек, экологик сиёсат доирасида аста-секин шаклланганлиги ва маъмурий-назорат ва иқтисодий дастакларнинг етарли даражада мувозанатлашганлиги билан характерланади.

Атроф-муҳит муҳофазаси ва табиатдан фойдаланишни бошқариш соҳаси, бошқа соҳалардан халқаро миқёсда келишилган тамойилларнинг кучли таъсир этиши билан ажралиб туради. Бунга БМТ иккинчи Жаҳон конференциясининг атроф-муҳит ва ривожланишга бағишланган конференцияси қарорлари (Рио-де-Жанейро, 1992), ушбу қарорни тасдиқлаган ва маълум даражада ривожлантирган Барқарор ривожлантириш бўйича Жаҳон саммити (Йохансбург, 2002) хизмат қилди.
Барқарор ривожлантириш бўйича Жаҳон саммитида «ифлослантирувчи тўлайди» ёндашуви, барқарор ривожланиш ва эҳтиёткорлик талаблари ишлаб чиқилди. Бу тамойиллар кўпчилик мамлакатлар миллий экологик ва табиий ресурс қонунчилигининг ажралмас таркибий қисмига айланган ва уларга киритилган.
Шу билан бир қаторда бу механизмлар турли мамлакатларда ҳал этилаётган экологик муаммолар, қўлланилаётган бошқариш ва тартибга солишнинг миллий модели, сиёсий, тарихий, маданий ва бошқа омилларнинг ўзига хос хусусиятларга эгалиги билан фарқ қилади.
1-жадвал
Экологик сиёсат инструментлари эволюцияси

№	Босқичлар, мақсадлар йўналиши	Экологик сиёсатнинг асосий вазифаси	Бошқарув қарорлари усуллари (услуби)