EignuyBaxrax axH0BA9II1ldAP

Технология – юнонча икки сўздан – “технос” (techne) – маҳорат, санъат ва
“логос” (logos) – фан, таълимот сўзларидан ташкил топган.
Технологик компетентлик – касбий-педагогик билим, кўникма ва малакаларни бойитадиган илғор технологияларни ўзлаштириш, замонавий восита, техника ва технологиялардан фойдалана олиш.
Тизимли ёндашув – тадқиқотчининг педагогик объект яхлитлигини очиб кўрсатишга йўналтирувчи, унинг ички алоқа ва муносабатларини белгиловчи жараён.
Тушунчалар – объектларнинг турли хил сифатлари, белгилари ва хусусиятларини акс эттиради.
Таълим воситалари – ўқув материалини кўргазмали тақдим этиш ва шу билан бирга ўқитиш самарадорлигини оширувчи ёрдамчи материаллар ҳисобланади.
Таълимнинг техник воситалари (ТТВ) – ўқув материалини кўргазмали намойиш этишга, уни тизимли етказиб беришга ёрдам беради; тингловчиларга ўқув материалини тушунишларига ва яхши эслаб қолишларига имкон беради.
Узлуксиз таълим – ўзаро мантиқий изчиллик асосида боғланган ҳамда соддадан мураккабга қараб ривожланиб борувчи ва бир-бирини тақозо этувчи босқичлардан иборат яхлит таълим тизими.
Ўзини ўзи баҳолаш (ЎЎБ) – шахснинг ўз-ўзини таҳлил қилиши орқали ўзига баҳо бериши.
Ўз-ўзини ривожлантириш – шахснинг ўзида касбий тажриба, малака ва маҳоратни такомиллаштириш йўлида аниқ мақсад ва пухта ўйланган вазифалар асосида мустақил равишда амалий ҳаракатларни ташкил этиши.
Ўзини ўзи таҳлил қилиш – педагог томонидан касбий фаолиятда ташкил этаѐтган ўз амалий ҳаракатлари моҳиятининг ўрганилиши.
Ўз устида ишлаш – шахс ёки мутахассис томонидан ўзини ижтимоий ҳамда касбий жиҳатдан ривожлантириш, камолотга эришиш йўлида мақсадли, изчил, тизимли ҳаракатларнинг ташкил этиши.
Ўқув материалининг электрон шакли – босма шаклда баён этилган асосий, тушунтирувчи, амалий матнларнинг овозли электрон версияси такдим этилади.
Ўқув-услубий материаллар (ЎУМ) – ўқув материаллар, ўзлаштирилган ўқув материалларини мустаҳкамлаш учун машқлар. Булар тингловчиларнинг мустақил ишларини фаоллаштиришга ёрдам берадилар.