EignuyBaxrax axH0BA9II1ldAP

Кейс-стади мактаблари

Кейс стади ишлаб чиқишнинг икки классик мактаби мавжуд:

1. 
   Гарвард (Америка)
   
2. 
   Манчестер (Европада)
   

Кейслар типологияси

Типологик белгилари	Кейс тури
Асосий манбалари	Бевосита объектда олиб бориладиган. Таълим жараёндаги. Илмий-тадқиқотчилик.
Сюжет мавжудлиги	Сюжетли. Сюжетсиз.
Вазият баёнининг вақтдаги изчиллиги	Ўтмиш ва бугунги кунни боғлаш асосидаги кейс. Аввал бўлиб ўтган воқеликка асосланган кейс. Истиқболга йўналтирилган кейс.
Кейс объекти	Алоҳида объектга йўналтирилган. Ташкилий-институционал. Кўп объектли.
Материални тақдим этиш усули	Ҳикоя. Эссе. Таҳлилий маълумот. Журналистик тафтиш. Ҳисобот. Очерк. Фактлар мажмуи. Статистик материаллар мажмуи. Ҳужжатлар ва ишлаб чиқариш намуналари мажмуи.
Ҳажми	Қисқа. Ўртача ҳажмдаги. Катта.
Тузилмавий ўзига хос хусусиятлари	Аниқ структурага эга бўлган. Аниқ структурага эга бўлмаган.
Ўқув топшириғини тақдим этиш усули	Саволли. Топшириқ тарзидаги.
Дидактик мақсадлари	Муаммо, ечим ёки концепцияни изоҳлаш. Бирор мавзуга бағишланган тренинг машғулоти фан бўйича кўникма ва малакаларни ҳосил қилишга мўлжалланган. Таҳлил ва баҳолашга ўргатувчи. Муаммони ажратиш ва ечиш, бошқарувга доир қарорлар қабул қилишга ўргатувчи.
Тақдим этиш усулига кўра	Босма. Электрон. Видео-кейс. Аудио-кейс. Мультимедиа-кейс.

ТЕХНОЛОГИЯ ФАНИДАН КЕЙС ТУРЛАРИ

Тури	Тавсифи	Кейс топшириғи мазмуни
Амалий	Технология фанида фойдаланиш мумкин бўлган ҳаётий вазиятлар	Кейс топшириғи матн кўринишида берилади, унда маълумотлар керагидан кўп ёки етишмаслиги ҳам мумкин. Муаммонинг муқобил ечимлари бир нечта бўлиши мумкин. Уларнинг орасидан энг мақбулини танлаш талаб қилинади.
Ўргатувчи	Технология фанига доир ўқув вазиятлари ва масалалари	Кейс топшириғи технологиянинг бирор бўлими доирасида матн кўринишида берилади. бир-бири билан боғлиқ ва қўйилган масала ечимига олиб келувчи бир неча кичик масалалар рўйхати келтирилади.
Тадқиқот	Вазиятнинг техник ва технологик моделини қуриш ҳамда тадқиқ этиш	Кейс топшириғи матн кўринишида берилади. Унда маълумотлар керагидан кўп ёки етишмаслиги ҳам мумкин. Муаммонинг бир нечта муқобил технологиявий моделлари ва уларга мос ечимлари бўлиши мумкин.

Кейс намуналари

1. 
   Тингловчиларнинг ўқув фаолиятини ташкил қилиш шаклларини изоҳлаб беринг ва ўзингизни малака ошириш фаолиятингиз билан солиштирган ҳолда мавжуд фарқларни аниқланг.
   

2. 
   Дарахтнинг тузилиши ва ундан тайёрланадиган буюмлар рўйхатини тузинг. Инсон ҳаётида улардан фойдаланиш масалаларини тушунтириб беринг.
   

3. 
   Технология фанидан назарий машғулотларни ташкил қилишда фойдаланиладиган интерфаол методларни фойдаланиш даврига кўра ажратинг.
   
4. 
   Технология фанидан амалий машғулотларни ташкил қилишда фойдаланиладиган интерфаол методларни фойдаланиш даврига кўра ажратинг.
   

5. 
   Технология фанидан машғулотларни ташкил қилишда қандай замонавий ёндашувлар ва инновацияларни жорий қилиш мумкин.
   
6. 
   Фанни ривожланиш тарихи босқичларини ДТСга асосланган ҳолда ишлаб чиқинг.
   

7. 
   Жамиятда амалга оширилаётган ислоҳотлар ва бозор муносабатлари шароитида технология фанини ривожлантиришнинг тенденцияларини аниқлаштиринг.
   
8. 
   “Технология” ва “Метод” тушунчаларининг бир-бирдан фарқли томонларини аниқланг. Сиз педагогик фаолиятингизда қайси тушунчадан кўпроқ фойдаланасиз? Нима учун?
   

“Технология” тушунчасига берилган таърифлар	“Метод” тушунчасига берилган таърифлар	“Технология” ва “Метод” тушунчаларининг бир- бирдан фарқли томонлари

9. 
   “Креативлик”, “Компетентлик” ва “Компетенция” тушунчаларини педагогик фаолиятингиздан келиб чиққан ҳолда ҳаётий мисоллар билан изоҳлаб беринг?
   

Мустақил ишни ташкил этишнинг шакли ва мазмуни

Тингловчи мустақил ишни муайян модулни хусусиятларини ҳисобга олган холда қуйидаги шакллардан фойдаланиб тайёрлаши тавсия этилади:

• 
  меъёрий ҳужжатлардан, ўқув ва илмий адабиётлардан фойдаланиш асосида модул мавзуларини ўрганиш;
  
• 
  тарқатма материаллар бўйича маърузалар қисмини ўзлаштириш;
  
• 
  автоматлаштирилган ўргатувчи ва назорат қилувчи дастурлар билан ишлаш;
  
• 
  махсус адабиётлар бўйича модул бўлимлари ёки мавзулари устида ишлаш;
  
• 
  фанга оид электрон русурслардан фойдаланиш;
  
• 
  -тингловчининг касбий фаолияти билан боғлиқ бўлган модул бўлимлари ва мавзуларни чуқур ўрганиш.
  

Модулга оид ўрганилган материаллар асосида “Технология фани дарсларини ташкил этиш, моддий-техник ва хом ашё базасини такомиллаштиришнинг инновацион технологиялари” мавзусида мустақил иш бажарилади. У асосида малака ишининг кириш қисми тайёрланади.