EignuyBaxrax axH0BA9II1ldAP

мавзу: Технология фани ўқитувчисига қўйиладиган квалификацион талаблар (шахсий ва касбий; креативлик ва компетентлик)

(2 соат маъруза)

Режа:

1. 
   Шахсий ва касбий сифатлар ва уларнинг қиёсий нисбати.
   
2. 
   “Компетентлик” ва “Касбий компетентлик” тушунчаларининг мазмун- моҳияти.
   

Таянч иборалар: таълим-тарбия, шахсий ва касбий сифатлар, компетентлик, касбий компетентлик, креативлик, ижтимоий, махсус, психологик, методик, информацион, креатив, инновацион, коммуникатив, шахсий, технологик, экстремал компетентлик, ишонч кузатувчанлик, қатъиятлилик.

1. Шахсий ва касбий сифатлар ва уларнинг қиёсий нисбати

Педагогика фанлари доктори, профессор Ш.С.Шарипов томонидан ҳар бир инсоннинг касбий фаолияти талаблари ва жамият тан олган одоб-ахлоқ меъёрларига риоя этадиган шахс сифатларининг қиёсий нисбати ишлаб чиқилган бўлиб, улар қуйидаги 1-жадвалда келтирилган¹.

Бундан шундай хулоса келиб чиқадики, шахсий сифатлар шахснинг малакали касб эгаси сифатида шаклланишига замин яратиб беради, яъни шахсий ва касбий сифатлар умумий характерга эга.
Касбий камолот жараёни мутахассиснинг касбий ўзини ўзи белгилашнинг манбаи ҳисобланади. Касб танлаш, касбий таълим ва тарбия касбга киришиш ва касбий маҳорат касбий камолот босқичлари ҳисобланади. Улар шахсий-касбий сифатларнинг шаклланиш ва камол топишини назарда тутади.
Шахсий хусусиятларга ва касбий фаолиятнинг мотивацион асосларига эса эркин мулоқот юрита олиш, ҳиссий барқарорлик, доминантликка интилиш, ижтимоий етуклик, ижтимоий дадиллик, ишонувчанлик, мустақиллик, ишонч, ўз- ўзини назорат қилиш, қўзғалувчанлик, асабий таранглик, муваффақиятга интилиш, ютуққа эҳтиёж, ўз-ўзини баҳолаш киради.
Касбий сифатларга – одамлар ишончини қозона билиш, сафарбарлик, ўз меҳнатини ҳисобга олиш ва иқтисодий баҳолаш, кузатувчанлик, қатъиятлилик, чидам, уддабуронлик, турли хил ва мураккаб техникадан фойдалана билиш, узоқни кўра билишлик, тартиблилик, жамоада қулай шароитни яратиш, ташаббускорлик, амалий меҳнатга мойиллик киради.

1. 
   Шарипов Ш. Касб-ҳунар таълими тизимида ўқувчилар ижодкорлик қобилиятларини ривожлантиришнинг узлуксизлиги. Монография. – Т.: Фан, 2005. – 136 б.