Egamberdiyev oybekning xorazm viloyatida ichki turizm bozorini rivojlantirish imkoniyatlari

Kuchsiz jihatlar: 
Alohida destinatsiya sifatida turistik portalining mavjud emasligi. Ma`lumki 
xozircha Xorazm hududi turistik hudud – destinatsiya sifatida o`zining brendi va 
portali mavjud emas. Bu esa turfirmalar yordamisiz mustaqil keladigan turistlar 
uchun noqulaylik tug`diradi. Ammo xozirda turistik portalni va brendni yaratish 
uchun ishlar amalga oshirilmoqda. Ushbu ishlar sifatli darajada amalga oshirilsa, 
xorijiy turistlar oqimi anchagina oshadi. 
Iqlimning stabil emasligi ham Xorazm viloyatiga tashrif buyuradigan turistlar 
oqimiga bevosita ta`sir o`tkazadi. Namlik darajasi past bo`lgani uchun qish 
oylarida juda sovuq va yoz oylarida juda issiq bo`ladi. Bu esa mavsum bo`lmagan 
paytlarda turistlarning juda kamchilik miqdorda tashrif buyurishiga olib kelmoqda. 
Soha bo`yicha kadrlar malakasining yetishmasligi.Ma`lumki xozirda turizm 
bo`yicha faoliyat olib borayotganlarning ko`pchiligi bu sohada oliy o`quv yurtlarda 
o`qimagan, mutaxassisligi boshqa bo`lgan kadrlardir. Bu esa xizmat sifatiga 
anchagina salbiy ta`sir o`tkazmoqda. Lekin yaqin yillar ichida sohada 
ishlaydiganlarni mutaxassislikga o`qitib, ularni turizm bo`yivha malaka va 
bilimlarini oshirish bo`yicha ishlar olib borilmoqda. 
Ko`chalarining doim toza-ozoda tutilmasligi. Afsus bilan aytib otishimiz 
joyizki, bizni halqimizda o`zimiz yashaydigan ko`cha, uy atroflari tozaligiga 
mustaqil ravishda e`tibor qaratadigan odamlar kamchilikni tashkil qiladi. To`g`ri 
mahallalar tomonidan olib boradigan hasharlar, umumhalq hasharlari hududimizni 
butunlay ifloslanishini oldini olmoqda. Lekin baribir hududimizni doim toza va 
ozoda turadi deb aytishimiz qiyin. Kelgan turistlar bazi ko`chalardagi axlatlarni va 
chiqindilarni ko`rib dillari xira tortishi bu bor gap. 

---

79 
Yo`llarning sifati zamonaviy talablarga javob bermasligi.Xozirda yo`llarni 
obodonligi va zamon talabiga javob berishi uchun bir qancha ishlar amalga 
oshirilmoqda. Ammo baribir ko`pgina chekka hududlarda yo`llarimiz zamon 
talabiga hali ham javob bermaydi. 
Yetib kelish narxlari xizmatlar narxlaridan yuqoriligi. Xizmatlarimizni sifati 
va haqiqiy narxi yetib kelish harajatlarini ba‟zida qoplamasligi mumkin. 
Qiyinchilik bilan yetib kelgan turist shunga yarasha zavq olmasa, bundan yomoni 
yo`q.