E. I. Musaboyev, A. Q. Bayjanov Yuqumli kasalliklar epidemiologiya va parazitologiya Tibbiyot kollejlari uchun o ‘quv qo ‘llanma «O‘zbekiston milliy ensiklopediyasi»

Davolash fenasal yordamida quyidagi sxemalarning birortasi bo‘yicha o‘tkaziladi: 1) olti-yetti marta ikki kunlik sikllar bilan (sikllar orasidagi intervallar 5 kun). Davolashning barcha kunlarida preparat 2 g miqdorda tayinlanadi; 2) to‘rt marta besh kunlik sikllar bilan (sikllar orasidagi intervallar 5 kun); 3) uch marta yetti kunlik sikllar bilan (sikllar orasidagi intervallar 5 kun). Asosiy kursdan bir oy keyin residivga qarshi yana bir sikl o‘tkaziladi. Preparat har bir siklning 1-kuni 2 g dan so‘ngra esa 0,5 g dan beriladi. Oxirgi sxema invaziya og‘ir kechganda ayniqsa foydalidir.

Davolashning yanada samarali bo‘lishini ta’minlash uchun fenasal bilan dixlorofen va trixlorofen kombinatsiya holida qo‘lla- nilishi mumkin. Davolashdan keyin 6 oy davomida bemor takroriy tahlillarda (4—6 martadan kam bo‘lmagan) najasda pakana sepen tuxumlari topilmasa, u sog‘aygan hisoblanadi. Gimenolepidoz og‘ir kechganda dispanser kuzatuvi 1 yilgacha davom etadi va nazorat tahlillari 8—10 martagacha olinadi.

Gimenolepidoz bilan og‘rigan bemor aniqlansa uning barcha oila a’zolari ham tekshiriladi. Bolalarning shaxsiy gigiyenasiga alohida ahamiyat berilib, tozalikka rioya qilinadi. Hojatxonadagi suv tushir- gichlarning ushlagichlari, eshik tutqichlari, tuvak va umivalnik kranlari qaynagan suv bilan yuviladi. Ajralgan najaslarga xlorli ohak sepiladi. Bolalarga oson yuviladigan o‘yinchoqlar bilan o‘ynashga ruxsat beriladi.Pakana sepen bilan invaziyalangan oziq-ovqat muassasalarida ishlaydigan kishilar davolanish vaqtida ishdan chetlashtiriladi.