E. Egamberdiev

Dastlabki davrlarda
O’zbekistonda lizing to’g’risidagi huquqiy hujjatlarni 
yo’qligi shu shakldagi tadbirkorlik faoliyatini sust rivojlanishiga olib keldi. Shunday 
sharoitda ham O’zbekistonda bir qancha lizing kompaniyalari faoliyat ko’rsatdi. 
Masalan, «O’zbeklizinginterneshnl» AK (1995 y. yanvarda tashkil etgan), 
«O’zKeysagromlizing» qo’shma korxonasi (1997 y. 27 fevralda yaratilgan), 
«Baraka» universal lizing kompaniyasi (1995 y. 9 noyabrda yaratilgan) va boshqalar. 

---

133
Ikkinchi davrda
lizing faoliyati xuddi ijaraga o’xshash amalga oshirildi. 
Bunda lizing to’g’risida maxsus normativ va qonuniy aktlar bo’lmagan. Bunday 
noaniqlik lizing jarayonida ishtirok etuvchilarning tavakkalchilik darajasini oshirib 
yuborgan. Natijada tashabbuskorlik, xorijiy investorlarning moliyaviy 
imkoniyatlarini amalga oshirish cheklanib qolgan edi. Tavakkalchilikdan zarar ko’rib 
qolmaslik uchun, masalan «O’zKeyslizing» qo’shma korxonasi xalqaro lizingga 
murojat qilgan va undan foydalangan. Bu korxona o’zining unumdor texnikasini 20 
% haqini oldindan to’lash va qolgan 80 %-ni 5 yil ichida qaytarish sharti bilan 
lizingga bergan.
Uchinchi davr
lizing haqida maxsus me’yoriy-huquqiy xujjatlarni yoki bu 
sohaning qonuniy asoslarini faollik bilan yaratish davri bo’ladi. 
Hozirgi vaqtda lizing faoliyatini boshqaruvchi me’yoriy-huquqiy aktlar etarli 
darajada qabul qilingan. Bundan tashqari O’zbekiston Respublikasi 2000 yilning may 
oyida xalqaro moliyaviy lizing haqidagi Ottava Konventsiyasiga qo’shildi. 
Hozirda O’zbekistonda lizing munosabatlarini huquqiy bazasi bo’lib quyidagi 
xujjatlar hisoblanadi: 
- O’zbekistonning Fuqarolik Kodeksi; 
- O’zbekiston Respublikasida «Lizing to’g’risida»gi Qonuni; 
- O’zbekiston Respublikasi Prezidentining 28 avgust 2002 yildagi «Lizing 
tizimini rivojlantirishni yanada rag’batlantirish to’g’risida»gi Farmoni; 
- 28 may 1988 yili Ottavada Xalqaro Moliyaviy lizing bo’yicha tuzilgan 
Konventsiya; 
- O’zbekiston Respublikasi Vazirlar Mahkamasining 424-sonli 2 noyabr 2002 
yildagi «Qishloq xo’jaligi texnikasini lizing sharti bilan ta’minlash 
to’g’risida»gi Qarori; 
- O’zbekiston Respublikasi banklari tomonidan lizing operatsiyalarini amalga 
oshirish tartibi (MB. 
№
327). 

---

134