E. Egamberdiev

Shunday qilib, zamonaviy biznes
- faoliyati to’g’risdan-to’g’ri ishlab 
chiqarishni tashkil etuvchilar va shaxslar, tashkilotlar, tuzilmalar o’rtasidagi 
munosabatlar tizimini ifodalaydi. Ular esa, biznes faoliyatining ichki va tashqi 
muhitini belgilaydi. 
 
Tadbirkorlikni amalga oshirish bosqichlari: 
1-bosqich - Sharoit va xolatlarni o’rganish. 
 
Har qanday ishbilarmon biror ishni boshlashdan oldin o’sha vaqtdagi sharoitni 
va o’zi tutadigan o’rnini aniq bilishi kerak. Ayrim tashkilotlar o’z faoliyatlrini 
boshlash vaqtida qisman soliqlardan ozod etiladi va shu bilan birgalikda, kam 
miqdorli kreditlardan foydalanishlari ham mumkin bo’ladi. Siz xech qachon bunday 
imtiyozlardan foydalanishdan voz kechmang. Ammo Siz bulardan oldingizdagi xom 
ashyoning etishmasligi, mahsulotlarin-gizni xarid etilishida ayrim ovoragarchiliklarga 
uchrashingiz, ijtimoiy va siyosiy murakkabliklar kabi qiyinchiliklarni ham hisobga 
olishingiz lozim. 
Yaxshi tinglash va izchil har-bir iqtisodiy xodisalarni o’rganish qobiliyatiga 
ega bo’lish ishbilarmon uchun eng kerakli vositalardan biridir. Eng kerakli 
axborotlarni yuqori malakali mutaxassislar, ekspertlar, matbuot vositalari va shular 
qatorida do’stlardan bilib olish katta san’atni talab etadi. 
2-bosqich - Ishlab chiqarish sohasini tanlash 
Siz o’z vaqtingizni sharoitini yaxshi o’rganib, o’z o’rningizni ham topdingiz 
deylik. Sizning endigina qadamingiz maxsus sohangizni tanlashdan iborat. Buni ikki 
yo’l bilan amalga oshirish mumkin: 
1. 
O’zingizning qandaydir ichki his-tuyg’ularingizga ishongan holda; 
2. 
Chuqur, izchil o’rganishlar va tekshirishlar asosida. 

---

31
Har kim o’zi hohlagan yo’lini tanlashga haqqi bor, lekin ikkinchi yo’l hamma 
uchun foydalidir. Oldingizdagi qiyinchiliklardan aslo cho’chimaslik kerak. 
Bir narsani unutmaslik kerakki, sizning talabgorlaringizga boshqa sizga 
o’xshagan tadbirkorlar, sizning raqobatchilaringiz ham qiziqishadi. Siz 
raqobatchilaringiz haqida ham iloji boricha ko’proq bilishga xarakat qilishingiz zarur, 
keyin bo’lsa, o’zingiz bilan raqobatchilaringizni taqqoslang. 
Bozor muhitiga baho bering va bozor muhitining qancha miqdoriga egalik 
qilishni, tahminan bo’lsa ham hisoblang. Bu ish oson emas. Biznes - bu doimiy, 
barakali, izchil va tinimsiz ish bo’lib, u ayrim vaqtlarda xaddan tashqari 
ishbilarmonni charchatib qo’yadigan ishdir. Lekin siz o’zingizni tinchlantirishingiz 
mumkin, chunki siz ishbilarmonlarning birinchisi ham, oxirgisi ham emassiz. Rejali, 
unumli strategik ishbilarmonlik katta pul yutuqlariga erishishga olib keladi.

---

32