Ә. Ә ж и н и я зо в. Қ о с ы ғы м а с а й ы л м а н

ҚАРАҚАЛПАҒЫМ
Атыц алты континентке тараған,
Сен арқалы өзге халықтан дараман, 
Халық болып қалыма жараған,
Миллий мақтанышым қарақалпағым.
Ел-журтымныц баслы намыў-нышаны, 
Көзге ысық тилден түлеп ушады,
Сени кийип шықсам Ўатан қушағы, 
Айқыра ашылар қарақалпағым.
Елимниц аты да, сениц атыцдур, 
Тилимниц аты да, сениц атыцдур, 
Жеримниц аты да, сениц атыцдур, 
Абырай, ар-намысым қарақалпағым.
Тәғдир толқынында қалқып ықтыцба, 
Ақыйыр-соцы Аралдан бир шықтыцба, 
Талас-тартыслар көп өзиц ҳаққында, 
Тарийхый теберик қарақалпағым.
Шежиремдей шым-шытырық тарийхы, 
Шым қара ушыға мақпал маўыты,
Қай дәўирдиц устахана, заўыты.
Үлгицди жасады қарақалпағым.
Барлык, бас кийимге бир нәзер салсақ, 
Қай халық кийсе де басына шап-шақ, 
Тысы мөлдир қара, астары аппақ. 
Кеўлимдей азада қарақалпағым.
Мода қумар мадонналар таласқан, 
Өзбек, қазақ, татарға тец жарасқан, 
Жолыц уллы ширазы ақ қураштан, 
Маба, дацқ-мәртебем қарақалпағым.
Аббаз сени кийип залға киргенде, 
Қалпағыцды шеш деген йоқ бир бенде, 
Европа елецлеп сени көргенде, 
Сый-ҳүрмет көрсетти қарақалпағым.
3 — Ә. Әжиниязов
33

---

Сени Досназаров кийип жасында,
Мәскеў мойынлады мэжилис басында, 
Шәпкилер кийимбе сениқ қасықда,
Мухтариятлы мүлким қарақалпағым.
Қаракецниц баслы намыў-нышаны,
Тилге тийек көзден бир-бир ушады,
Өзиқди көргенде элем қушағы.
Айқыра ашылар қарақалпағым.
«Дос-басқа қарайды, душпан аяққа»,
Бул гәптиц төркини жатыр қаяқта?,
Мен жуўап излесем ушбу сораққа,
Поролим екенсеқ қарақалпағым.
Ен, ески, ец ҳасыл заты Туранныц,
Бас тацламас бас кийими заманныц,
Қара рец ноқатындай қуранныц,
Нақма-нақ «он ҳәрип» қарақалпағым.
Ец әзиз, ец баслы миллий мийрасым,
Бабалар руўхы бизди қолласын,
Адам ата менен тед екен жасыц,
Алла инам еткен қарақалпағым.
«Қалпағы қазандай еллерим бар»-деп,
«Жолда жүк қалдырмас бир қара нар»-деп, 
Молла Зийўар толып-тасып тәрийплеп,
Әлемге танылған қарақалпағым.