E ’ L o n! Filologiyaninig zamonaviy yo’nalishlari va tadqiq metodlari jaxon ilmi taraqqiyoti kontekstida

E ’ L O N!
Filologiyaninig zamonaviy yo’nalishlari va tadqiq metodlari
jaxon ilmi taraqqiyoti kontekstida
Xudaybergenova Zilola Narbayevna 1974 - yilning 14- yanvarida Toshkent shah­ri­da tug‘ilgan. Millati – o‘zbek. U 1990 yilda Toshkent shahridagi 28-son­li o‘rta maktabini tugatgach, shu yili Mirzo Ulug‘bek nomidagi Toshkent dav­lat universiteti (hozirda O‘zbekiston milliy universiteti)ning o‘zbek filo­lo­giyasi fakultetiga o‘qishga kirib, uni 1995 yilda imtiyozli diplom bilan tugatgan. 1995-98 yillarda Toshkent davlat universitetining kunduz­gi bo‘lim aspiranturasida tahsil olgan. 1998-2000 yillar davomida O‘zR FA Til va adabiyot institutida kichik ilmiy xodim sifatida faoliyat ko‘rsatgan. 2000 yilning 18 fevralida 10.02.06 – Turkiy tillar ixtisosligi bo‘yicha «O‘zbek va turk tillarida fe’lning o‘tgan zamon shakllari tizimi» mavzusi­da­gi nomzodlik dissertatsiyasini, 2007 yil 7 dekabrda “O‘zbek va turk tillarida monotaksemalarning ilmiy talqini” mavzusidagi doktorlik dissertatsiyasini muvaffaqiyatli himoya qilgan. 2004 yilda “Turkiy tillar” ixtisosligi bo‘yicha dotsent, 2014 yilda “Osiyo, Afrika xalqlari, Amerika va Avstraliya tub xalqlari tillari” mutaxassisligi bo‘yicha professor ilmiy unvonini olgan. 2000 yildan 2018 yilgacha Toshkent davlat sharqshunoslik institutida katta o‘qituvchi, dotsent, professor lavozimlarida ishlab kelgan. Bu yillarda “Turkiy tillar” kafedrasi mudiri, “Tarjima nazariyasi va amaliyoti” kafedralari mudiri, O‘quv-uslubiy bo‘lim boshlig‘i, Ichki nazorat va monitoring bo‘limi boshlig‘i lavozimlarida ham faoliyat ko‘rsatgan.2018-yildan buyon Xudaybergenova Zilola Narbayevna Turkiya Ruspublikasidagi Bartin universitetida professor lavozimda faoliyat ko‘rsatmoqda. Xudaybergenova Zilola Narbayevna turkologiya, o‘zbek tilshunosligi, turk tilshunosligi, turkiy tillar qiyosiy grammatikasi, tarjimashunoslik, o‘zbek adabiyoti, turk adabiyoti sohalari bo‘yicha ilmiy ishlar olib bormoqda. U 1 ta darslik, 13ta o‘quv qo‘llanma, to‘rtta monografiya, 400dan ortiq respublika hamda xorijiy ilmiy jurnallarida hamda xalqaro va respublika anjimanlari to‘plamlarida nashr etilgan ilmiy, ilmiy-uslubiy maqolalar muallifidir.