Dunyo mamlakatlarida turizmni rivojlantirishning nazariy uslubiy asoslari

2.1.1-rasm. O’zbekiston Respublikasiga kelgan chet el fuqarolari va ketgan O’zbekiston Respublikasi fuqarolari soni²⁵
Rasmiy deklaratsiyadan o’tganlar, O’zbekiston Respublikasi Davlat bojhona qo’mitasi ma’lumotlariga asosan 2019-yilda O`zbekiston Respublikasiga 6.7 mln nafar chet el fuqarolari tashrif buyurgan, bu 2017-yilga nisbatan 2.5 barobarga ko`paygan. O`zbekistondan chet elga chiqqan fuqarolar 8.4 mln nafarni tashkil qilib, 2017-yilga nisbatan 1.6 barobarga ko`proqdir.

2.1.2-rasm. 2019 -yilda O’zbekiston Respublikasiga kiruvchi turistlarning safar maqsadlari bo’yicha taqsimoti²⁶
Davlat bojxona qo`mitasining ma`lumotlariga ko`ra 2019-yilda O`zbekiston Respublikasiga kirib kelgan shaxslar jami 6 748 512 nafarni tashkil qilgan. Ularni tashrif maqsadlari bo’yicha quyidagi raqamlarda ko’rishimiz mumkin: xizmat yuzasidan – 53 117 ta, o`qish maqsadida – 21 383, sayohat qilish maqsadida – 1 043 929, qarindoshlarini yo`qlash uchun – 5 520 719, davolanish maqsadida – 55 490, tijorat maqsadida kelgan – 53 874 nafar turistlar tashrif buyurgan.

2.1.3-rasm. 2019-yilda O’zbekiston Respublikasidan chiquvchi O’zbekiston Respublikasi fuqarolarining safar maqsadlari bo’yicha taqsimoti²⁷
Rasmda aks ettirilgan ma’lumotlarga ko’ra, 2019-yilda O`zbekiston Respublikasidan chiqgangan fuqarolar jami 8 437 830 nafarni tashkil etadi. Ularni ketish maqsadlari bo’yicha quyidagi raqamlarda ko’rishimiz mumkin: xizmat yuzasidan – 90 764 ta, ta’lim olish maqsadida – 104 441, sayoxat qilish maqsadida – 606 142, qarindoshl-urug’ni yo`qlash va ziyorat qilish maqsadida – 7 599 315, davolanish maqsadida – 37 138 nafar turist tashrif buyurgan.


2.1.4-rasm. Turistik faoliyatni amalga oshirgan tashkilotlar va ular tomondan xizmat ko’rsatilgan turistlar soni (2017-2019-yillar)
2017-yilda 449 ta turistik firmalar faoliyat yuritgan bo’lib ular yil davomida 669.9 ming turistga xizmat ko’rsatgan. 2018 – yilda turistik firmalar soni 2017 - yilga nisbatan 53 taga ko’payib 502 taga yetdi va 713.1 ming kishiga xizmat ko’rsatgan. 2019-yilda faoliyat yuritgan turistik firmalar soni 517 tani tashkil qilgan, 2018- yilga nisbatan 15 taga ko`p. Ular tomonidan xizmat ko`rsatilgan turistlar soni 941.9 ming nafarga yetgan.