Dunyo iqtisodiyotga integratsiyalashish Xalqaro Valuta fondi Jahon banki, Osiyo taraqqiyoti banki kabi xalqaro moliya tashkilotlar faoliyatiga qatnashish bir qancha qoidalarga rioya qilishni talab etadi

Tasarrufdagi yalpi milliy daromad. Rezidentlar yakuniy iste'mol qilish yoki mablag'lar jamg'arish maqsadida tasarruf etishi mumkin bo'lgan umumiy daromad tasarrufdagi yalpi milliy daromad (TYaMD) deb nomlanadi. Ushbu kattalik chet eldan olingan sof joriy transfertlarni (TRf) yalpi milliy daromadga (GNI) qo'shish yo'li bilan hisoblab chiqiladi. Tasarrufdagi yalpi milliy daromad YaMD va sof transfertlar summasi sifatida hisoblab chiqiladi:

GNDI = GNI + TRf, (2.2.7)

yoki (2.2.7)ni hisobga olgan holda

GNDI = C +I +(X - M + Yf+ TRf). (2.2.8)

Chet eldan olingan sof joriy transfertlar chet elga o'tkazilgan joriy transfertlar chegirma qilingan holda norezidentlar tomonidan olingan va ishlab chiqarish omillari hisobiga kelib tushgan daromad bilan bog'liq bo'lmagan joriy transfertlarga teng. Mazkur transfertlar ham xususiy, ham davlat transfertlari bo'lishi mumkin. Xususiy transfertlar asosan xodimlar ish haqi o'tkazmalarini, davlat transfertlari esa eng avvalo, hukumat grantlarini (beg'araz yordamni) o'z ichiga oladi. Joriy transfertlar bilan to'lov balansidagi kapitalning harakati o'rtasida aniq chegarani tortish amalda juda qiyin, bu jamg'armalar umumiy hajmini hisoblashga ta'sir ko'rsatishi mumkin.

Transfertlar tushunchasi ishchi migrantlar pul o'tkazmalarini hisobga olish uchun muhim ahamiyatga ega. Agar ular o'zlari ishlayotgan mamlakatning norezidentlari hisoblansa, u holda vataniga pul o'tkazmalari transfertlar hisoblanadi. Agar ishchi migrantlar o'z mamlakatining rezidentlari hisoblanishda davom etsa, u holda ulaming pul o'tkazmalari faktoriy to'lovlar hisoblanadi.