Dunyo dinlari

(34 soat)
O‘quvchilar o‘quv faoliyati natijalariga qo‘yiladigan talablar:
o‘zbek xalqining madaniyati, ma’naviyati, dunyoviy va diniy qadriyatlarining ravnaq topishi, ularning jahon sivilizatsiyasiga ta’siri haqida ma’lumot bera oladi;
tarixiy voqelikni bayon qilishda muhim bo‘lgan tarixiy toponomik atamalar mazmunini tushuntira oladi;
qo‘shimcha adabiyot va manbalardan foydalana oladi;
o‘z fikrini og‘zaki va yozma tarzda aniq va tushunarli bayon qila oladi, mavzudan kelib chiqib savollarni mantiqan to‘g‘ri qo‘ya oladi va javob beradi;
ijtimoiy moslasha oladi, o‘zaro muloqotda muomala madaniyatiga amal qiladi, jamoaviy hamkorlikda ishlay oladi;
tarixdagi buyuk avliyolar va muqaddas joylarga nisbatan hurmat hissi shakllanadi, uni asrab-avaylashda dahldorlik tuyg‘usi shakllanadi;
Vatanga sadoqatli, insonlarga mehr-oqibatli hamda umuminsoniy va milliy qadriyatlarga e’tiqodli bo‘ladi.
Kirish. O‘zbekistonda xavfsizlik, barqarorlik muhitini shakllantirish. Xavfsizlik–eng muhim masala. O‘zbekiston Respublikasining yanada rivojlantirish bo‘yicha 2017-2021 yillarga mo‘ljallangan “Harakatlar strategiyasi”. Xavfsizlik va barqarorlikni ta’minlashda millatlararo totuvlikning ahamiyati. Milliy madaniy markazlar.
Dinshunoslikdagi zamonaviy tendensiyalar. Dinshunoslik faninig rivojlanish tarixi. Din sotsiologiyasi, falsafasi, psixologiyasi, fenomenologiyasini o‘rganishda yangi tendensiyalar.
Davlat va din munosabatlari. Hozirgi davrda davlat va din munosabatlari. Davlat va din munosabatlarining huquqiy asoslari. O‘zbekistonda davlat va din munosabatlari.
Din va ijtimoiy hayot. Dinning jamiyatdagi o‘rni. Ijtimoiy munosabatlar va din. Dinning jamiyatdagi ijtimoiy funksiyalari.
Markaziy Osiyo dinlari. Markaziy Osiyoda tarqalgan dinlarning hozirgi holati. Zardushtiylik jamoalarining zamonaviy hayot tarzi. Tangrichilikdagi “Uyg‘onish” harakati va zararli oqibatlari.
Jahon dinlari manbalari. Buddaviylik va Xristianlik. Jahon dinlari manbalarining diniy bag‘rikenglik, totuvlik madaniyatini shakllantirishdagi ahamiyati. O‘zbekistondagi buddaviylik jamoasi, adabiyotlari. O‘zbekistondagi xristianlik jamoalari. Bibliyaning o‘zbek tilidagi nashri.