Дўстов Ҳ. Б. Коррозиядан ҳимоя қилиш

 
 
8.2-расм. Қувурлар четини 
эрозион ейилиш 
коррозиясидан наиритдан 
тайёрланган резина қопламаси 
орқали ҳимоялаш схемаси. 
1 – қалқон; 2 – қувурлар; 3 – 
резина қаопламалари.
Бутилкаучук
– изобутилен ва изоперенларнинг биргаликдаги полимерла-
ниш маҳсулотидир. У агрессив муҳитлар таъсирига инертлиги, газ 
ўтказмаслиги ва сув шимимаслиги билан ажралиб туради, баъзи органик 
эритувчиларга чидамли. Унинг асосидаги резиналар кўпгина органик 
эритувчиларнинг таъсирига чидамли бўлади. 

---

217 
Силиконли каучуклар
юқори иссиқбардош (250–300°С) ва совуққа (–50 
дан –60°С гача) чидамлили саналади. Бироқ уларнинг коррозиябардошлиги 
паст.
 
Фторкаучуклар
кимёвий чидамлилиги ва иссиқбардошлиги бўйича 
биринчи ўринларда туради. Улардан тайёрланган буюмлар кучли агрессив 
муҳитлар ва оксидловчилар таъсирига 200°С гача чидайди. Бу турдаги 
каучукларнинг камчилиги – киришиб қисқариши юқори бўлганлиги сабабли 
кимёвий аппаратураларда қўллаб бўлмаслиги. 
8.2.5. Графит материаллар. 
Графит ва кўмир асосидаги материаллар кимё саноатида кенг қўллани-
лади. Грфит юқори кимёвий чидамлиликка ва иссиқлик ўтказувчанликка эга. 
У иссиқлик ўтказувчанлик борасида хромникелли пўлатлар ва қўрғошиндан 
ҳам 3–5 марта устун туради (8.3-расм). 
 
 
 
 
 
8.3-расм. Углерод-графитли 
материаллар ва металларнинг 
иссиқлик ўтказувчанлиги. 
1–алюминий; 2–бакелитирланган 
графит (игурит); 3–тантал; 4–
углеродли пўлат; 5–антегмит 
АТМ-1; 
6–қўоғошин; 
7–
зангламайдиган пўлат 12Х18Н9; 
8–титан. 
 
 
Бундан ташқари графит ўз-ўзини мойлагандек хусусиятга эга, унинг 
сиртига ўтирадиган қасмоқ ва ифлосланишлар бошқа материалларга нисбатан 
энг кам. Бироқ у деформацияланмайди, шу сабабли мўрт бўлади. Графит 
ғоваклигининг юқорилиги (баъзан 30–35 % гача етади) унинг яна бир асосий 
камчиликларидан ҳисобланади. 
Сунъий графит нефт кокси ва тошкўмирни 1200°С гача қиздириб, сўнгра 
кислород кирмайдиган жойда 300°С ҳароратда тоблаш орқали олинади. 
Графит кукуни ва фенол-формалдегид смоласи асосида антегмит деб 
номланадиган материал олинади. Графит пресс-кукун ва смола дастлаб 
қиздирилган қолипларда прессланади, сўнгра материалга термик ишлов 
берилади.

---

218 
АТМ-1антегмити –
иссиқлик ўтказувчанлиги паст (тахминан 2 марта), 
бироқ юқори мустаҳкамликка эга бўлган антикоррозион ва антифрикцион 
материалдир (8.4-расм). АТМ-1нинг физик-механик хоссалари унга термик 
ишлов бериш орқали яхшиланиши мумкин. Улар оксидловчи, ишқорли ва 
баъзи органик бирикмалардан ташқари кўпгина агрессив муҳитларда 
бардошли ҳисобланади. Улар иссиқлик алмаштиргичлар, реакторлар, 
буғлатгичлар, абсорберлар, конденсаторлар каби йирик габаритли қурилмалар 
тайёрлашда ишлатилади.