Донли экинлар маъруза матни

 

Jo’xori navlar urug’chiligi 

Jo’xori navlarining urug’chilik ishlari jarayonida elita urug’liklarini nav 

tozaligi  va  yuqori  hosildorligini  quyidagi  tanlashlar  asosida  saqlab  qolish 

mumkin. 

Ommaviy  tanlash.  Qabul  qilingan  kondisiyada  nav  tozaligini 

ta’minlagan  holda  fenotipik  bir  tekis  navlarda  o’tkaziladi.  Asosiy  usul  – 

donining  to’liq  pishish  davrida  elita  yoki  dastlabki  ko’paytirish  ekin 

maydonida  urug’lik  ro’vaklarini  tanlash.  Ro’vaklari  shu  navga  xos  tipik 

yaxshi  rivojlangan  o’simliklarning  bosh  poyasidan  tanlab  (kesib)  olinadi. 

Imkoniyati  boricha  ularda  yon  shoxchalari  bo’lmasligi  kerak  va  kasallik  va 

zararkunandalar bilan zararlanmagan bo’lishi kerak. 

Tanlab  olingan  ro’vaklar  don  bilan  yaxshi  to’lgan,  barg  qinidan 

mustahkam  oyoqchali  va  poyasi  ustki  barg  qini  bilan  nisbatan  zich  qamrab 

olgan bo’lishi kerak. 

Tanlab olinadigan ro’vaklar soni ekish uchun talab qilinadigan urug’lik 

miqdoriga qarab 1000 dan 2000 gacha bo’lishi mumkin. 

Kesib  olingan  ro’vaklar  dalada  yana  bir  marta  ko’rib  chiqiladi, 

yomonlari  brak  qilinadi,  undan  keyin  barglaridan  (barg  plastinkalaridan) 

tozalanadi,  sanaladi  va  bir  partiyaga  birlashtiriladi,  undan  keyin  yaxshi 

quritgandan so’ng yanchiladi va superelita sifatida rasmiylashtiriladi.