Дониѐр Тоштемиров

КТ (кейс технологияси) модели. Кириш синовларидан ўтган талаба 
ўқиш учун ўқув материаллар тўплами (кейс, комплекти)ни олади. Талабалар 
rypyҳи 
одатда бир туманда яшаѐтганлардан тузилади. Дастлабки 
машғулотларда тьютор (таълим берувчи) ҳар бир предмет бўйича ўқув-
услубий қўлланмалар билан қандай ишлаш кераклиги, предметни ўрганишда 
нималарга эътибор беришни, мустақил ишларни ташкил этишни, жадвал 
тузишни ва бошқаларни тушунтиради. Сўнгра даврий равишда маслаҳатлар 
беради, тестларни текширади. Ўқув жараѐнининг асосини талабанинг 
мустақил иши ташкил этади. Ўқитиш воситаларининг асосини аудио-видео 
материаллар, СD ѐки бошқа ахборот ташувчилардаги компьютер дастурлари, 
электрон ахборот ресурслар ва анъанавий чоп этилган ўқув қўлланмалар 
ташкил этади. Имтиҳонлар кундузги шаклда ѐзма ҳолда ўтказилади. 
Ўқитишнинг реал жараѐни тьютор раҳбарлигида мустақил ўрганишни ва 
назорат ишларини бажаришни кўзда тутади. Бир ўқув курсда ўқиш муддати 
ўқув режада кўзда тутилган ўқув соатларининг миқдорига боғлиқ равишда 1-
3 ойни ташкил этади.

---

13 
КО (корреспондентлик таълим) модели. Ўқув жараѐнини ташкил 
этишнинг бундай моделида зарур ҳужжатлар расмийлаштирилгандан сўнг, 
талаба ўқув материаллар олади ва унга маслаҳат берадиган ҳамда назорат 
ишларини текширадиган ўқитувчи бириктирилади. Ахборот алмашиниш 
асоси кўпроқ анъанавий почтага тушади. Бу модел ХХ асрнинг 20-
йилларидан буѐн маълум бўлиб, ―ѐзишма бўйича‖ ѐки ―хатлар орқали ўқиш‖ 
кўринишдаги вариантлар асосида фаолият кўрсатади. Замонавий моделнинг 
фарқи ўқитиш воситалари мажмуасини шакллантиришда чоп этилган ўқув 
қўлланмалардан ташқари, компьютер дастурлари, аудио ва видео 
ташувчилардаги электрон ўқув қўлланмалар, шунингдек талабанинг таълим 
муассасаси билан дидактик ва ташкилий ўзаро алоқасини ўрнатишда телефон 
ѐки бошқа алоқа воситалардан фойдаланиш назарда тутилган. Якуний 
аттестация кундузги шаклда ѐки масофали ўқиш маркази имкониятларидан 
фойдаланиб амалга оширилиши мумкин. Бу моделнинг асосида почта ѐки 
қандайдир бошқа усулда ўқитувчи билан талаба ўртасида доимий ўқув 
материал, бажарилган вазифалар, тавсиялар ва ўқитувчининг кўрсатмалари 
алмашиниши ѐтади.