Don ekinlari

8. Sut va sut maxsulotlari muvofiqligini baxolash

 

Sut va sut mahsulotlari muvofiqligini  baholash identifikasiyalash yo’li bilan tayyorlovchi, sertifikasiyalash bo’yicha organ va davlat nazorati organi tomonidan amalga oshiriladi. Identifikasiyalash deganda sut va sut mahsulotlarini ularni markirovkasi va jo’natish xujjatlarida keltirilgan muhim belgilarga muvofiqligini farqli belgilarni vizual ko’rikdan o’tkazish yoki mahsulotni sinash natijalari bo’yicha baholashni amalga oshirish maqsadida aynanligini belgilash tushuniladi. Xavfsizlik ko’rsatkichlarini aniqlash uchun namunalar olish tavfsiflarni texnik reglament talablariga muvofiqligini aniqlash maqsadida amalga oshiriladi va texnik tartibga solish sohasidagi me’yoriy xujjatlarga muvofiq o’tkaziladi.

Texnik reglament talablariga muvofiqlikni tasdiqlash O’zbekiston Respublikasi xududida muomilaga chiqariladigan barcha sut va sut mahsulotlari uchun tegishlidir. Texnik reglamentni kuchga kirguniga qadar sut va sut mahsulotlariga berilgan sanitariya-epidemiologik xulosalar va muvofiqlik sertifikatlari ularni amal qilish muddati tugagunicha xaqiqiy hisoblanadi.

Texnik reglament talablariga rioya qilinishi ustidan davlat nazorati O’zbekiston Respublikasi sog’liqni saqlash Vazirligi, O’zbekiston Respublikasini qishloq va suv xo’jaligi Vazirligi, O’zbekiston standartlashtirish, metrologiya va sertifikasiya agentligi va ularni xududiy organlari, shuningdek kompetentligi doirasida boshqa maxsus vakolatli  davlat organlari tomonidan amalga oshiriladi. Texnik reglament talablarini buzilishida aybdor shaxslar qonunchilik bilan belgilangan tartibda javobgarlikga tortiladi.