Djumayeva n

G L O S S A R I Y

Axloq - shaxsning jamiyatga va boshqa kishilarga nisbatan burchini belgilab beruvchi me’yorlar tizimi, ma’naviy xulq qoidalari, u ijtimoiy ong shakllaridan biridir.

Bilim - borliqni bilish jarayonining amaliyotda tasdiqlangan natijasi.

Bakalavriat - o`rta maxsus, kasb-hunar ta’limi negizida oliy ta’lim yo`nalishlaridan biri bo`yicha fundamental bilimlar beradigan, o`qish muddati to`rt yildan kam bo`lmagan tayanch oliy ta’lim;

Bakalavr, magistr - oliy ta’limning tegishli bosqichiga muvofiq dasturlarni muvaffaqiyatli o`zlashtirgan shaxslarga beriladigan akademik darajalar;

Boshqaruv - ishga qobil ijtimoiy tuzilmani tuzish uchun zarur sharoitlarni tanlash va samaradorligini oshirish bo`yicha olib boriladigan va qo`yilgan maqsadni amalga oshirish uchun undan foydalaniladigan faoliyat.

Boshqarish - tashkil etish, qaror qabul qilishga qaratilgan faoliyat, ob’ektni o`z xizmat vazifasi doirasida nazorat qilish, tartibga solish, ishonchli axborotlar asosida tahlil qilish va yakun yasash.

Burch - muayyan axloqiy majburiyatlarni his qilish, uning zarurligini anglash.

Darslik - davlat ta’lim standarlari, o`quv dasturi, uslubiyati va didaktik talablari asosida, milliy g’oya va ma’naviy qadriyatlarimiz singdirilgan, muayyan o`quv fanining mavzulari to`liq yoritilgan, tegishli fan asoslarini mukammal o`zlashtirilishiga qaratilgan xolda, fanga tegishli bilimlarni talabalar tomonidan mustaqil o`zlashtirib olishga, ularda ko`nikma va malakalarni shakllantirishga, kerakli o`quv materialini mustaqil izlash va topishga, hamda amaliy faoliyatda qo`llashni o`rgatish hamda ijodiy qobiliyatlarni rivojlantirishga yo`naltirilgan va tegishli ta’lim turlari uchun Muvofiqlashtiruvchi Kengash (yoki vakolatli Kengashlarning grifi) tomonidan o`quv adabiyotiga berilgan guvohnoma, o`quv rejalarda ko`rsatilmagan (tanlov va qo`shimcha) fanlari uchun ta’lim muassasasining Ilmiy kengashi qarori asosida chop etiladigan nashr.