Диссертация тадқиқотини бажаришга қобилиятли битирувчиларини тайёрлашдир

Магистратуранинг бош мақсади бу олий ўқув юртларининг илмий-
тадқиқотчилик фаолиятини юритишга (аспирантура, адъюнктурага ўқишга
кириш ёки талабгор сифатида диссертация тадқиқотини бажаришга)
қобилиятли битирувчиларини тайёрлашдир.
Магистрлар қуйидаги қобилиятларга эга бўлади:
• тадқиқот вазифаларини ифодалаш;
• тадқиқот режасини тузиш;
• ахборот технологияларини жалб қилган ҳолда библиографик
ишларни бажариш;
• зарур тадқиқот услубларини танлаш, аниқ тадқиқот вазифаларига
асосланиб, мавжуд услубларни ўзгартириш ва янги услубларни
ишлаб чиқиш;
• олинган натижаларни ишлаш, уларни адабиётлардаги мавжуд
маълумотларни ҳисобга олиб таҳлил қилиш ва мушоҳада юритиш;
• бажарилган ишлар якунларини таҳрир қила олиш ва матбуотнинг
замонавий воситаларини қўллаб, талабларга мувофиқ
расмийлаштирилган ҳисоботлар, рефератлар, мақолалар, маърузалар
тезислари шаклида тақдим эта олиш.
Ихтисослаштирилган тайёргарлик дастурининг илмий-
тадқиқотчилик қисми юзасидан магистрнинг билимларига
қўйиладиган талаблар:
• тадқиқот режасини аниқ ифодалай билиш, тадқиқот муаммоси, фараз ва
вазифаларини белгилаш;
• ахборот технологияларини жалб қилган ҳолда библиографик ишларни
бажариш;
• замонавий ахборот технологиялари ва илмий тадқиқотларнинг
автоматлаштирилган воситаларини жалб қилган ҳолда зарур тадқиқот
услубларини танлаш;
• бажарилган ишлар якунларини таҳрир қилиш ва матбуотнинг замонавий
воситаларини қўллаб, талабларга мувофиқ расмийлаштирилган
ҳисоботлар, рефератлар, мақолалар, маъруза тезислари шаклида тақдим
этиш.
Мутолаа – бу нутқий фаолиятнинг мураккаб тури бўлиб, соф
техник жиҳати – мутолаа қилиш ва тез ўқиш малакаларини орттириш
ва ижодий жиҳати – матндан зарур ахборотларни олишдан иборат.
Мазмунга кириб бориш даражасига кўра мутолаа қуйидаги турларга
бўлинади:
• кўз югуртириб чиқиш – умумий таассурот олиш учун;
• матн билан танишиб чиқиш – умумий мазмунни билиб олиш учун;
• ўрганувчи мутолаа – мавжуд маънонинг энг кўп ҳажмини
ўзлаштириш учун.

Китобнинг таркибий тузилиши (элементлари)

•