Диссертация илмий раҳбар доц. А. Шернаев Тошкент 2018 4

Тадқиқот объекти ва предмети. Магистрлик ишининг объекти 
Ўзбекистон Республикасида олиб борилаётган фискал сиёсатнинг амалдаги 
ҳолати ҳисобланса, магистрлик ишининг предмети эса мамлакат миллий 
иқтисодиётидаги ижтимоий такрор ишлаб чиқариш натижасида яратилган 
миллий даромадни солиқлар воситасида қайта тақсимлаш билан боғлиқ 
муносабатлар ҳисобланади. 
Тадқиқот мақсади ва вазифалари. Магистрлик ишининг мақсади 
амалдаги фискал сиёсатга оид муаммоларни тадқиқ этиш, фискал сиёсат 
орқали мамлакатдаги макроиқтисодий барқарорликни таъминлаш юзасидан 
тавсия ва таклифлар ишлаб чиқиш. Юқоридаги мақсадларга эришиш учун 
магистрлик ишининг олдига қуйидаги вазифалар қўйилди: 
 фискал сиёсатнинг иқтисодий моҳияти ва назарий асосларини 
ўрганиш; 
 фискал сиёсатни амалга оширишнинг меъёрий – ҳуқуқий асосларини 
ўрганиш; 

---

8 
 Ўзбекистон Республикаси фискал сиёсатида солиқ тизимининг 
тутган ўрни ва аҳамиятини ёритиш; 
 давлат бюджети даромадларини ташкил этишда солиқларни тутган 
ўрнини таҳлил этиш; 
 Ўзбекистонда солиқ юкини камайтиришга қаратилган фискал 
сиёсатни таҳлил қилиш;
 Ўзбекистон Республикаси фискал сиёсатида ижтимоий харажатларни 
тутган ўрнини таҳлил қилиш; 
 давлат бюджети даромадларини шакллантиришда солиқлар 
тушумини такомиллаштириш масалаларини ўрганиш;
 фискал сиёсат самарадорлигини ошириш ва солиқ тизимини 
такомиллаштириш масалалари бўйича амалий тавсияларни ишлаб чиқишдан 
иборат. 
Илмий янгилиги. Солиқ тизими ва олиб борилаётган фискал сиёсатни 
комплекс таҳлил килиш ва ривожланган мамлакатларнинг илғор 
тажрибаларини ўрганиш асосида иқтисодий ислоҳотларни чуқурлаштириш, 
иқтисодиётни либераллаштириш шароитида тадбиркорлик субъектлари 
молиявий баркарорлигини таъминлаш билан бир каторда давлат бюджети 
манфаатларига мос келувчи йўналишларни белгилаб берувчи тавсия ҳамда 
таклифлар ишлаб чиқилди.