Discussions

ТАЪЛИМ ТЕХНОЛОГИЯЛАРИ МОДУЛИ АСОСИДА ЎҚИТИШ ЖАРАЁНИНИ ТАШКИЛ ҚИЛИШ

Таълим технологиялари модули

Режа:

Таълим технологиясининг таърифи ва моҳияти. Таълим технологиясининг элементлари ва турлари. Интерфаол таълим методларидан фойдаланиш.
Ўқув модули – бу нисбатан мустақил, мантиқий якунга эга бўлган ўқув курсининг бўлагидир. У ўқув методик таъминотдан назарий ва амалий қисмлардан, топшириқ ва жорий ҳамда якуний назорат каби қисмлардан иборат.
Электрон ўқув модуллари бу электрон таълим ресурсларининг тўплами Модулли ѐндашув моҳияти – мустақил фаолият асосида талабаларда билим,
кўникма ва малакаларни шакллантиришдир.
Модулли технологиянинг моҳияти – таълим жараѐнини модуллар асосида лойиҳалаштириш.
Модул назарий, амалий, технологик турларга ажратилади.
Модулнинг таркибига мақсадли ҳаракат дастури, ахборот банки ва дидактик мақсадга эришишни таъминлайдиган методик йўриқнома киради.

Модулнинг мақсадлари

Ўқув мақсади. Дарс жараѐнида таълим технологияларидан фойдаланиш бўйича билим, кўникма ва малакаларини такомиллаштириш.
Кутилаѐтган натижалар. Талабалар модулни ўрганиш натижасида қуйидаги билим, кўникма ва малакаларга эга бўладилар:

• 
  таълим технологиясига таъриф бера олади;
  
• 
  таълим технологияси элементларини ва турларини фарқлай олади;
  
• 
  анъанавий ва илғор таълим технологияларининг афзаллик ва камчиликларини таҳлил қила олади.
  

–таълим жараѐнида интерфаол методларни қўллай олади.

Texнология

Технология – юнонча «techne» сўзидан олинган бўлиб, маҳорат, санъат
деган маънони, «logos» – сўз, таълимот маъносини англатади.
Texнология – жараѐнларни амалга ошириш усуллари ва воситалари ҳақидаги билимлар йиғиндиси, шунингдек объектда содир бўладиган сифат ўзгаришлар тушунилади.
Таълим технологиясини ўқитувчи, педагогнинг ўқитиш воситалари ѐрдамида таҳсил олувчиларга муайян шароитларда кўрсатган тизимли таъсири натижасида уларда жамият учун зарур бўлган ва олдиндан белгиланган ижтимоий сифатларни
интенсив тарзда шакллантирувчи ижтимоий ҳодиса деб таърифлаш мумкин (Б.
Зиямухамедов).
Педагогик технология – бу ўқитувчи, тарбиячининг ўқитиш воситалари ѐрдамида таҳсил олувчиларга муайян шароитда таъсир кўрсатиши ва бу фаолият маҳсули сифатида уларда олдиндан белгиланган шахс сифатларининг жадал шаклланишини кафолатлайдиган жараѐнидир( Н.Сайидахмедов ва А.Очилов).
Педагогик технология – педагогик жараѐнни техника имкониятлари ва инсоннинг техникавий тафаккури асосида стандарт ҳолга солиб, унинг оптимал лойиҳасини тузиб чиқиш билан боғлиқ ижтимоий ҳодисадир (Б.Л. Фарберман).
Педагогик технология – ўқув жараѐнига ѐндошган ҳолда, олдиндан белгилаб олинган мақсад кўрсаткичларидан келиб чиқиб ўқув жараѐнини лойиҳалашдир (М.В.Кларин).
Педагогик технология – таълим олувчилар ҳаракатларида акс этган ўқитиш натижалари орқали ишончли англаб олинадиган аниқланадиган мақсадни ифодалайди (И.Я. Лернер).
Таълим технологияси – таълим шаклларини мақбуллаштириш мақсадида, инсон ва техника ресурслари ҳамда уларнинг ўзаро таъсирини ҳисобга олган ҳолда, барча ўқитиш ва билимларини ўзлаштириш жараѐнини яратиш, қўллаш ва аниқлаш тизимидир (ЮНЕСКО).