Discussions

Фан дастури фанни ўрганишдан қўйилган мақсад, фаннинг асосий мазмуни, бажарадиган вазифаларини ифодалайди. Намунавий ўқув дастури таркибий жиҳатдан ўз ичига кириш, асосий қисм, маъруза, семинар, тажриба дарслари ва мустақил иш учун кўрсатмалар, курс ишлари бўйича кўрсатмалар, тавсия этиладиган адабиѐтлар рўйхатини олади.
Намунавий дастур давлат таълим стандартларига ўзгартиришлар киритилган тақдирда ѐки ўзга ҳолларда 3 йилда бир марта қайта ишлаб чиқилиши ва қабул қилинган тартибга асосан қайта экспертиза ва тасдиқдан ўтиши зарур.
Намунавий ўқув дастури тасдиқланган ва рўйхатга олинган кундан бошлаб амалга киритилади.
Намунавий дастур асосида ишчи ўқув дастури ишлаб чиқилади.
Ишчи ўқув дастурида намунавий дастурдан фарқли равишда фан бўйича мавзулар режаси қисмида мавзулар номи, ажратилган жами соатлар, дарс ўтиш, машғулот турлари, маъруза, назарий, семинар, амалий машғулот, мустақил ишга ажратилган соатлар жадвал тарзида келтирилади.
Маъруза машғулоти ҳамда семинар машғулоти мавзуларида ҳар бир мавзуда ўрганилиши зарур бўлган мавзунинг ўқув мақсадидан келиб чиқиб, қисқача мазмуни берилади. Мавзуни ўрганиш ва ўзлаштириш учун зарур бўлган адабиѐтлар рўйхати рақамларда ифодаланади.
Шу фанни ўқитиш бўйича лозим бўлган ўқув воситалари, кўргазмали намойиш материаллари, ўқув фильмлари ва бошқа дидактик материаллар рўйхати келтирилади.
Дастурнинг «ўзлаштиришни назорат қилиш» қисмида, фанни ўзлаштириш бўйича баҳолаш методлари ва шакллари кўрсатилади.
«Фойдаланилган адабиѐтлар» қисмида ўқувчи-талабалар томонидан фанни ўрганиш ва ўзлаштириш учун лозим бўлган адабиѐтлар рўйхати берилади.
Ишчи ўқув дастурига мувофиқ равишда машғулот, семинар дарслари, режаси, мустақил ишлар ва ўқув комплекси таркибига кирувчи бошқа ишлар ишлаб чиқилади.
Фаннинг ҳар бир мавзуси бўйича қўйилган мақсад, мавзунинг хусусиятидан келиб чиққан ҳолда дарс ўтиш методини ўқитувчининг ўзи танлайди. Шундай қилиб, ҳар бир фан бўйича ўқув-услубий мажмуа ишлаб чиқилади.
Фаннинг хусусиятлари ва қўйилган мақсаддан, мутахассисларни тайѐрлашда фаннинг тутган ўрнидан келиб чиққан ҳолда мазкур рўйхат қисқариши ѐки қўшимчалар қўшилиши мумкин.
Масалан, битирув малакавий иш мавзулари фақат мутахассислик фанлари бўйича қўшилади. ўқув-услубий мажмуа албатта фанни ўрганишдан қўйилган асосий ва қўшимча мақсадларни тўла амалга оширилишига катта ѐрдам беради.