«dinshunoslik» fanining ishchi o’quv dasturi

Fan bo‘yicha talabaning bilim, ko‘nikma va malakalariga quyidagi talablar qo‘yiladi. Talaba:
- davlat va din munosabati, Markaziy Osiyoda tarqalgan dinlar tarixi, ta’limoti, muqaddas manbalari, yo‘nalishlari, jahonda mavjud bo‘lgan dinlarning mushtarak xususiyatlari, dinlardagi oqimlar va mazhablar, dunyoning konfessional xaritasi, din va qonun o‘zaro munosabatlari haqida tasavvurga ega bo‘lishi;
- missionerlik, prozeletizm va diniy ekstremizmning jamiyat hayotiga tahdid solishi hamda salbiy ta’siri va oqibatlari; dinlararo bag‘rikenglik tamoyillariga amal qilish, dinning mohiyati ezgulikdan iborat ekanini anglash, dinning ijtimoiy taraqqiyot bilan bevosita bog‘liqligini tushunib etish; din va diniy qadriyatlarning inson ma’naviy hayotida tutgan o‘rnini his etishni bilishi va ulardan foydalana olishi;
- dunyoviy va diniy ilmlarning jamiyat taraqqiyotiga ta’sirini anglash, ularga nisbatan o‘zining mustaqil fikrini bildirish; din niqobi ostidagi turli buzg‘unchi g‘oyalarga qarshi immunitetini shakllantirib borish, ularning yovuz niyatlariga o‘zining erkin va xolis munosabatini bildirish ko‘nikmalariga ega bo‘lishi kerak.

Fanning o‘quv rejadagi boshqa fanlar bilan o‘zaro bog‘liqligi va uslubiy jihatdan uzviy ketma-ketligi
Dinshunoslik fani tarix, "O’zbekiston tarixi", falsafa, filologiya, etnografiya, ijtimoiy psixologiya kabi bir qator fanlar bilan uzviy bogliq bo‘lib, ular bilan uygunlashtirilgan holda o‘qitiladi.
Fanning ishlab chiqarishdagi o‘rni
Dinshunoslikning gumanitar fanlar qatorida oliy o‘quv yurtlarida o‘rganilishi hozirgi davr talabiga mos keladi. Jamiyat hayotidagi mavjud muammolarni faqat iqtisodiy, siyosiy tadbirlar va huquq-tartibotni mustahkamlash bilangina to‘la hal qilib bo‘lmaydi. Buning uchun jamiyatdagi ma’naviy-madaniy, diniy-ma’rifiy sohani ham takomillashtirish talab etiladi.


Fanni o‘qitishda zamonaviy axborot va pedagogik texnologiyalar
Dinshunoslik fani, eng avvalo, talabalarni mustaqil fikrlashga ragbatlantiradigan, Birinchi Prezident Islom Karimov asarlarini qunt bilan o‘qish va o‘zlashtirish, ma’naviy-madaniy sohadagi masala va muammolar bo‘yicha erkin fikr yurita olish qobiliyatini o‘stiradigan yangi pedagogik texnologiyalar asosiga qurilgan.Kurs mobaynida interfaol usullarning turli shakllaridan, zamonaviy elektron texnika vositalaridan, ko‘rgazmali qurollardan keng foydalaniladi.Amaliy mashgulotlar mustaqillik yillarida qad tiklagan obidalar, ta’mirlangan ziyoratgohlar, muzeylarga tashrif uyushtirish, madaniy meros va ma’naviy hayotga aloqador joylarga chiqish shaklida tashkil etiladi.