Dinda savolim bor. 3-kitob

Misvokning qanday foydalari bor? 

 

Savol: Misvokning juda ko‘p foydalari bor, deb eshitdim. Shu haqda 

ma’lumot berolmaysizlarmi? 

Javob:  Arok daraxti shoxchalaridan olinadigan misvok haqiqatan ham shifobaxsh, 

foydali, zarur tish (og‘iz) tozalash vositasidir. Misvok borasida Rasulullohdan (s.a.v.) 

yuzdan ortiq hadis vorid bo‘lgan va u zot: «Agar ummatimga mashaqqat bo‘lishini 

o‘ylamaganimda albatta ularni har bir namozdan oldin misvok qilish, ya’ni og‘iz va tish 

tozalashga buyurgan bo‘lardim», deganlar (Imom Buxoriy va Muslim rivoyatlari). 

Sahobiy Hofiz ibn Hojar hamda Ibn Qayyum misvokning o‘ttizdan ortiq foyda va 

xususiyatlarini sanab o‘tishgan. Bular quyidagilar: Payg‘ambarimiz (s.a.v.) aslo tark 

etmagan sunnatlari - misvok Allohning roziligiga erishtiradi, og‘izdagi badbo‘y hidlarni 

ketkazadi, tishlarning chirishi va darz ketishining oldini oladi, milklarni mustahkamlab, 

qonashi va yiringlashini yo‘qotadi, balg‘amni ko‘chirib, ovozni, talaffuzni yaxshilaydi, 

yurak, me’da, ko‘z asablarini mustahkamlab, ko‘zni ravshan qiladi, uyquni qochirib, 

yuzni go‘zallashtiradi, farishtalarni 

mamnun, shaytonni mahzun qiladi, xotirani kuchaytirib, zehnni ochadi, hasanotlarni 

ko‘paytiradi va hokazo. 

Zamonaviy tib ilmi xulosalariga ko‘ra, misvokning quyidagi foydalari bugunga kelib 

aniqlandi: 

1. 

Tarkibida ftor moddasi bo‘lgan misvok tishlarning yemirilishi (karies)ning oldini 

oladi. 

2. 

Misvokda xlor moddasi bo‘lgani uchun tishlardagi turli rang, kir-dog‘larni 

ketkazadi. 

3. Uning tarkibidagi silikat moddasi tishlarni yaxshigina oqartiradi. 

4. 

Misvokdagi fosfor moddasi tishni chirituvchi bakteriyalardan himoyalaydi. 

---

Dinda savolim bor. 3-kitob 

 

 

www.ziyouz.com kutubxonasi 

10

5. 

Trimetilamin va darmondorilar milklarni yorilishdan asraydi, jarohatlarni tuzatadi 

va tishlar sog‘lomligini ta’minlaydi. 

Shuning uchun musulmonlar tahorat vaqtida va Qur’on qiroatidan avval, uyquga 

yotishdan oldin va uyqudan turgach, ovqatdan avval va keyin misvok qilishlari mahbub 

amallardan hisoblanadi.