Дилноза Жамолова пешку тумани тарихи бухоро 2014 Сўз боши

Соғлиқни сақлаш
Мустақиллик йилларида туманда аҳоли саломатлигига кўрсатилаётган эътибор ва ғамхўрлик туфайли кенг қамровли ислоҳотлар амалга оширилди.
Кейинги йилларда Ўзбекистон Республикаси Президентининг 1998 йил 10 ноябрдаги 2107-сонли Фармони ва “Ўзбекистон Республикасида соғлиқни сақлаш тизимини ислоҳ қилиш” Давлат дастури асосида бир қатор ишлар амалга оширилди.
Пешкў туманида 32 та тиббий муассаса мавжуд бўлиб, жумладан, 2 та стационар муассаса, 1 та туман марказий касалхонаси, 1 та стоматология поликлиникаси, 1 та туман ДСЭНМ ва 25 та қишлоқ врачлик пунктлари фаолият кўрсатади. Тиббиёт бирлашмалари барча қулайликларга эга бўлган замонавий тиббий асбоб-ускуналар билан таъминланган. Пешкў туманидаги шифохоналарда 160 нафар шифокор ва 1140 нафар ўрта тиббий ходимлар эл саломатлиги йўлида хизмат қилмоқда.
2013 йил 10 ноябрдан туман марказий поликлиникаси янги бинода ўз фаолиятини бошлади. Тез тиббий ёрдам биноси янгидан қурила бошлади.


Спорт
Мустақиллик йилларида Ўзбекистонда жисмоний тарбия ва спортни айниқса, ёшлар спортини ривожлантиришга алоҳида эътибор қаратилди. Бу борада Пешкў туманида ҳам бир қатор ишлар амалга оширилди.
Туманда Болалар спортини ривожлантириш жамғармаси маблағи ҳисобидан 2004 йилда “Қалъаи-Миришкор” қишлоқ болалар спорт мажмуаси, 2006 йилда 13-мактабда, 2007 йил 42-мактабда, 2008 йилда 29-мактабда, 2010 йилда 20-мактабда спорт заллари қурилиб, 3-болалар ва ўсмирлар спорт мактаби қайтадан таъмирланди. Шунингдек, жамғарма ҳисобидан 9-мактаб спорт зали, 2012 йилда 4-ихтисослаштирилган мактаб интернати спорт заллари қурилиб фойдаланишга топширилди.
Ҳозирги кунда жами 3-та Болалар ва ўсмирлар спорт мактабларида 117 нафар тажрибали мураббийлар 8 та спорт тури бўйича 4012 нафар ўқувчи-ёшларга спорт сирларини ўргатмоқдалар.
Пешкўлик ёш спортчилар спорт бўйича ўтказилаётган турли нуфузли мусобақаларда қатнашиб, ғолибликни қўлга киритмоқдалар. Жумладан, “Умид ниҳоллари - 2013” оммавий спорт мусобақаларининг вилоят босқичида воллейбол бўйича ўсмирлар ва қизлар жамоаси 1-ўринни, футбол бўйича 3-ўринни эгалладилар. 2012 йил 7-9 сентябр кунлари Зарафшон шаҳрида 1996, 1997, 1998-2000 йилларда туғилган ўсмирлар ўртасида Эркин кураш бўйича Республика турнирида 19-Болалар ва ўсмирлар спорт мактаби курашчилари қатнашиб, 2 та олтин, 2 та кумуш ва 3 та бронза медалларига эга бўлдилар.
Шунингдек, 25-27 ноябр кунлари Навоий шаҳрида 1996-1997 йилларда туғилган ўсмирлар ўртасида Эркин кураш бўйича ўтказилган Ўзбекистон кубогида 35 кг вазнда Туробов Жаҳонгир 1-ўринни, Туробов Толиб 3-ўринни эгаллаб, Россия Федерациясининг Якутск шаҳрида ўтадиган ёшлар олимпиадасига йўлланма олади.
Ўзбекистон Республикасининг 22 йиллигига бағишлаб “Қадр-қимматим, таянчим ва ифтихоримсан, мустақил Ўзбекистон!” шиори остида ўтказилган “Аёллар фестивали” Республика мусобақаларининг вилоят босқичида 29-Болалар ва ўсмирлар спорт мактабининг аёллар жамоаси вилоятда 1-ўринни эгаллаб, ушбу мусобақаларнинг Республика босқичида қатнашиш ҳуқуқини қўлга киритдилар.