Диктантлар тўплами

Xotira diktant 
1-namuna.
Berilgan xalq qo`shig`ini ifodali o`qing va yod olib uni yozing.
Sumalak 
(xalq qo`shig`i) 
Sumalakjon, sumalak, 
Men senga jonim halak. 
Sumalak qadim ovqat,
Uni pishirib berish,
An‟anaviy zo`r odat.
 
Bug`doyni avval olib,
Taxtaga yayratamiz.
Haftalab suvni sepib,
Bahorday yashnatamiz.
Tayyor bo`lgan bug`doyjon, 
Yanchib-yanchib ezilar.
Suvi siqib olinib,
Doshqozonga solinar.
 
 
Yayrab-yayrab momolar, 
Qozonni bulg`ab turar. 
O`sma tortgan qiz-juvon, 
Sho`x qo`shiq kuylab turar.
 
 
 
 
 
Sumalakjon, sumalak, 
 
 
 
 
Men senga jonim halak. 
 
 
 
 
Sen pishib chiqqaningda, 
 
 
 
 
To`yib-to`yib bir yalay. 
 
2-namuna.
She‟rni yod olib yozing. Shaxs nomlarini eslab qoling. Yana 
qanday mashhur allomalarni bilasiz? Shu haqda suhbatlashing.
Ona tilim o`lmaydi
Notiq dedi:
«Taqdir shul,
Bu jahoniy iroda. 
Tillar yo`qolur, butkul, 
Bir til qolur dunyoda» 
- Ey voiz, pastga tushgin,
Bu gap chiqdi qayerdan?
Navoiy bilan Pushkin 
Turib keldi qabrdan.
Kim darg`azab, kim hayron,
Chiqib keldilar qator:
Dante, Shiller va Bayron, 
Firdavsiy, Balzak, Tagor,
«Va‟zingni qo`y, birodar,
Sen aytganing bo`lmaydi!» 
Barcha dedi barobar, 
«Ona tilim o`lmaydi!»
 
 
 
 
 
 
 
 
 
 
(E.Vohidov ) 
 

---

40 
3-namuna.
O`zbekiston Respublikasining «Davlat tili haqida» gi Qonunidan 
olingan bandlarni o`qib, yoddan yozing. Shu haqida suhbat quring.
1-modda.
O`zbekiston Respublikasining davlat tili o`zbek tilidir.
2-modda.
O`zbek tiliga davlat tili maqomining berilishi Respublika hududida 
yashovchi millat va elatlarning o`z ona tilini qo`llashdan iborat Konstitutsiyaviy 
huquqlariga monelik qilmaydi.
24-modda.
O`zbekiston Respublikasida davlat tiliga yoki boshqa tillarga 
mensimay yoki xusumat bilan qarash ta‟qiqlanadi.
4-namuna.
Maqollarni o`qing, ularda ilgari surilgan g`oya haqida fikrlang va 
yoddan yozing. 
1. Eling senga cho`zsa qo`l, 
Unga doim sodiq bo`l. 
2.
Yurt boshiga ish tushsa, 
Er yigit nozir bo`lur. 
3.
Xalq bor yerda haqlik bor. 
4.
El boqsa, baxting kular, 
El bo`lmasa, taxting qular. 
5.
Xalqqa suyansang, bo`lasan, 
Xalqdan chiqsang, so`lasan. 
6.
Birlikda baraka bor.
5-namuna.
Quyidagi so`zlarning imlosiga diqqat qiling va xotirangizda saqlab 
ularni yodda yozing. 
Badiiy, xafa, mehr, izzat, ehtirom, mukammal, latofat, mamnuniyat, 
konstitutsiya, himoya.