Диагностик ёндашув таълим

Диагностика ва ўзини-ўзи диагностика қилиш 
Педагог томонидан ўқитиш технологияси ишлаб чиқилаѐтган вақтда 
педагогик диагностика муҳим ўрин эгаллайди. Биринчидан, инновацион 
технологияни ишлаб чиқишда ѐки қўллашда педагогик тизимнинг бошлангич 
ҳолатини аниқлашдан бошлаш зарур. Бу ҳол технология мақсадларининг 

---

диагностиклигини таъминлайди, у эса ўз ўрнида педагогик тизимнинг битта 
ривожланиш босқичидан янгисига, юқорирок босқичига ўтишини назарда тутади. 
Иккинчидан, диагностика педагогик вазифани ечиш бўйича технологик 
занжирнинг якуний босқичи бўлиб ҳисобланади (Л. Ф. Спирин). Диагностика 
педагогик таъсирнинг маълум бир тизимга ва қўлланилган воситаларнинг 
самарадорлигини баҳолашга кўрсатган таъсирини аниқлашга йўналтирилган. 
Педагогик диагностика педагог касбий фаолиятининг бошлангич ва якуний 
босқичи бўлиб ҳисобланади. Чунки педагогик диагностика даврий тавсифга эга 
бўлиб, у битта педагогик масалани ечиш билан чегараланмайди. Шуни эътиборга 
олиш керакки, маълум бир педагогик масалани ечишда асос қилиб олинган 
педагогик тизимнинг мувофиқлиги педагогик тизимга шу пайтгача кўрсатилган 
таъсирнинг натижаси бўлиб ҳисобланади. Бу ҳол педагогик диагностиканинг 
инновацион технологияларни ишлаб чиқиш ва жорий қилишда педагог фаолияти 
тизимини ташкил этувчи компонента бўлиб хизмат қилишини таъкидлашга имкон 
беради (Л. Н. Давидова). 
Педагогик диагностика вазифалари: 
- шахсий йўналтирилган ѐндашувнинг амалга оширилишини таъминлаш; 
- педагог касбий фаолияти натижаларининг тўғри аниқланишини 
таъминлаш; 
- болаларни битта гуруҳдан бошқасига кўчиришдаги хатолар сонини 
камайтириш; 
- шахснинг таълимга бўлган қизиқишини аниқлаш; 
- бола шахсининг самарали ривожланиши учун шарт-шароитларни аниқлаш; 
- педагог фаолиятини баҳолаш (касбий ривожланиш даражасини ўзича 
баҳолаш). 
Шу тариқа, педагогик диагностика бир қатор вазифларни, яъни маълумот, 
баҳолаш, 
коммуникатив, тарбиявий-қизиқтирувчи, таҳлилий, диагностик, 
истиқболли ва ҳ. к. вазифаларни бажаради.