Detaldin' uzinlig'in 0,1 mm den koʼp shashiliw (agʼiw) itimali to'mendegi formulalardan paydalaniladi

4.2.1.1 –su'wret. Podshipnik ha'm onin' oʼlshemleri D –podshipniktin' sirtqi diametri; d – podshipniktin' ishki diametri; B – podshipniktin' boyi

Podshipnikti ishki ha'm sirtqi diametrin oʼlshew obiekti sipatinda alayiq, demek bul obiekt geometrik aylana. Xosh siz ideal aylana degende neni tu'sinesiz? Podshipnik aylanasin million yaki milliard ma'rte u'lkenlestirilgen kompyuterdegi matematik modeli qanday koʼriniske iye boladi dep esaplaysiz?
Podshipniktin' matematik modeli talap qiling'an aniqliq da'rejesinde boliwi ha'm real obiektke mas boliwi lazim. Bu'gingi ku'nde avtomobil, temir jol ha'm avia avariyalardin' aldin aliw ushin tiykarg'i detallardan biri esaplang'an podshipniktin' bekkemligi, oʼlshemlerin oʼlshewler aniq emesligi mikro yaki nano da'rejedegi aniqliqti talap qiladi.
Uliwmaliq jag'dayda oʼlshew obiekti modeli aniqlaniwi kerek bolg'an shama menen, obiekttin' qa'siyetleri ha'm taʼsir etiwshi shamalar menen oʼz ara baylanislilig'in jeterlishe aniq sa'wlelendiriw kerek. Koʼbinshe a'meliy oʼlshew ma'selelerin modellestiriwde oʼlshew obiektlerinin' “a'hmiyetli” qa'siyetlerin toliq sa'wlelendiretug'in matematik model isletiledi.
Oʼlshew texnikasinin' a'meliy ma'seleleri ideallastirilg'an metrologik eksperimentten parq qiliwi, oʼlshewdi oʼtkiziw sipati bolsa teoriyaliq-itimalli jandasiw arqali bahalaniwi sebepli oʼlshew processi modelinin' oʼzide oʼzgeredi.
Belgili texnik waziypani sheshiw ushin oʼlshew obiektinin' fizik modeli jeterli da'rejede real obiektke mas tu'siwi kerek boladi. Oʼlshenip atirg'an shama sipatinda matematik modeldin' sonday parametrin tan'law lazim, bunda sol parametr oʼlshew maqsetinde mas boliwi lazim. Modeldin' parametri modeli, yag'niy oʼlshenip atirg'an shamanin' ma'nisi san, funktsiya yaki funktsional jaziliwi mu'mkin. Bul oʼlshewlerdi islew metodikasin islep shig'iwda ha'm oʼlshew qurallarin tan'lawda esapqa alinadi.
Model oʼlshew obiektinin' en' tiykarg'i eki qa'siyetin ko'rsetiwi lazim: oʼlshewde aniqlanatug'in ha'm oʼlshew processinde taʼsir qilatug'in qa'siyetler. Oʼlshenip atirg'an shama tek g'ana belgili model ushin g'ana bar boladi.