Detaldin' uzinlig'in 0,1 mm den koʼp shashiliw (agʼiw) itimali to'mendegi formulalardan paydalaniladi

IV – BAP. OʼLSHEWLER ANIQ EMESLIGININ' DEREKLERI, OLARDIN' TA'SIRIN BASQARIW HА'M ESAPQА ALIW
4.1. Aniq emeslik derekleri ha'm olardin' klassifikaciyasi
А'meliyatta oʼlshewlerde aniq emesliktin' koʼplep mu'mkin bolg'an derekleri bar bolg'anlig'i sebepli, oni bahalaw tek g'ana matematik jumis bolip esaplanbaydi, ba'lkim oʼlshenetug'in shamanin' ta'biyatin ha'm oʼlshew processin u'yreniwdi talap qiladi. Aqirinda oʼlshew na'tiyjesinin' aniq emesligin bahalawdin' sipatin og'an ma'nis beriwde qatinasatug'in shaxslardin' tu'sinigi, sinin bahalawi ha'm hu'jdanina baylanisli boladi.
Aniq emeslikti qurawshilardin' tu'rleri olardin' payda boliw derekleri boyinsha oʼlshenetug'in shamanin' aniq emeslikleri ha'm oʼlshew eksperimentinin' aniq emesliklerine boʼlinedi.
Oʼlshenetug'in shamanin' aniq emeslikleri en' bastan, eksperimentti oʼtkiziwge shekem bar boladi. Olardin' ma'nisleri eksperimentti oʼtkiziw usilina, oʼlsheytug'in apparaturanin' sipati yaki operatordin' ta'jiybesine baylanisli bolmaydi. Oʼlshenetug'in shamanin' aniq emeslikleri to'mendegi faktorlar menen sha'rtlenedi.
Adamnin' oʼlshew obiekti tuwrisindag'i qiyali onin' oyinda parametrler ja'mlenbesi menen su'wretlenetug'in qandayda bir model koʼrinisinde sa'wlelenedi. Modeller boyinsha aniqlanatug'in oʼlshenetug'in shamalar real obiektlardin' qa'siyetlerinen parq qiladi, sebebi model hesh qashan orginaldin' absolyut nusqasi bola almaydi. Bul parqlar modeldin' oʼlshenetug'in shamag'a mas emesligi menen sha'rtlenetug'in aniq emeslik penen sa'wlelenedi.
To'mendegi oʼlshewler aniq emesliginin' derekleri ha'm olardin' klassifikatsiyasi keltirilgen (4.1.1 -su'wret).

O'LSHEWLER ANIQ EMESLIGI DEREKLERI

Oʼlshenip atirg'an shamanin' matematik modellestiriwdegi aniq emesligi

Oʼlshew aniqlig'ina bolg'an ta'biyiy ( printsipial ha'm a'meliy ) sheklewler

Oʼlshew aniq emesligi dereklerin klassifikaciyalaw ha'm onin' dizimin qa'liplestiriwdin' aniq emesligi

Personaldin' aniq emesligi

Oʼlshew sharayatlarinin' aniq emeslikleri

O'nim sinawinda oʼlshenetug'in o'nim u'lgisin aliw

noaniqligi

Qurilmanin' aniq emeslikleri ha'm olardin' taʼsirin mug'darli bahalaw

Oʼlshew na'tiyjesine taʼsir qiliwshi usilli aniq emeslikler