Дераза кондиционерларининг вазифаси; Дераза кондиционерларининг тузилиши ва ишлаш принципи; Дераза кондиционерларининг хисобий тахлили

Қозонхоналарда ёниш жараёнининг тўлиқлигини таҳлил қилиш. Қозоннинг унумдорлигига таъсир кўрсатувчи омиллар ва энергияни тежаш тадбирлари
Режа

1. 
   Ёқилғиларнинг ёниш тўлиқлигини таҳлил қилиш услублари
   
2. 
   Йўқолишларнинг турлари ва уларнинг аҳамияти
   
3. 
   Қозоннинг ишлаш режамини йўлга қўйишда параметрларни ўлчаш жойлари ва усуллари
   
4. 
   Қозонларда солиштирма ёқилғи сарфлари
   

Қозон агрегатининг унумдорлигига таъсир кўрсатувчи бир қатор омиллар мавжуд, уларнинг ҳар бирининг муҳимлиги қурилмага боғлиқ равишда ўзгаради. Бу омилларга қисқача тўхталамиз.
1. Ошиқча ҳавонинг меъёри
Барча ёқиш жараёнларида самарали тўлиқ ёқишга эришиш учун мумкин қадар камроқ ҳаво ҳажмидан фойдаланиш лозим бўлади.
2. Горелки
Гарчи горелканинг тавсифлари ошиқча ҳавонинг меъёри каби ишчи параметр бўлиб ҳисобланмасада, қозон агрегатининг унумдорлигини оширишда унинг роли катта. Конструкция яхши бўлганда, яъни техник хизмат кўрсатилганда ошиқча ҳавонинг минимал ҳажми билан тўлиқ ёвиш содир бўлади. Ёмон қурилган горелка зарурий ошиқча ҳаво ҳажмини ва ёқилғининг йўқолишини кўпайтиради. Ҳатто киритилган автоматик регуляторли горелкаларда ҳам ҳаво ва ёқилғининг нисбатлари механик боғланган деталларнинг едирилиши туфайли бузилади. Қозон агрегатининг унумдорлигини тўғри назорат қилишнинг бирдан-бир усули ис газларини таҳлил қилиш бўлиб ҳисобланади, у кислородни ҳам, СО ни ҳам аниқлашни ўз ичига олиши лозим.
3. Ёқилғи сарфлари
Ёқилғи сарфи ўзгарганда йўқолишлар ҳам, шундан келиб чиққан ҳолда, қозон агрегатининг унумдорлиги ҳам ўзгаради. Қозон агрегатининг энг юқори унумдорлигига номинал қувватнинг тахминан 70-90% ига тенг бўлган ёқилғи сарфида эришиш мумкин бўлади, шу сабабли ҳар нима қилиб бўлса ҳам шу режимга риоя қилиш зарур бўлади. Ёқилғи сарфи паст бўлганда нурланиш ва конвекцияга йўқолишларнинг аҳамияти ортади, чунки амалдаги иссиқлик йўқолишлари ёқилғанинг ҳар қандай сарфида ҳам ўзгармас бўлади. Шу тариқа фойдаланиш коэффициенти паст бўлганда ҳам ёқилғини бериш фойизи ортади. Имконият бор жойда, жараённи 40-50% доимий қувват билан узлуксиз давом эттиришдан кўра қозон агрегатини вақтинча тўхтатиш ва сўнгра 90% қувват билан қайтадан ишга тушириш фойдалироқ бўлади.