Энергоаудитнинг асосий босқичлари ва уларнинг мазмуни Энергоаудитнинг ўзини ташкил қилиш ва ўтказиш услубияти стандарт (типлашган) алгоритмга асосланади, бу уни ўтказишга кетадиган умумий харажатларни қисқартиради, ишнинг маълум бир (стандарт) босқичларида бошқа аудиторларни самарали жалб қилиш имконини беради.
Уй-жой-коммунал секторни энергоаудитдан ўтказиш масаласи одатда бевосита уй-жой-коммунал секторнинг энергия таъминоти тизимларининг иқтисодий манфаатдорлигини оширишдан манфаатдор бўлган ташкилотнинг раҳбарияти билан ҳал қилинади. Биринчи контактни бевосита унинг масъул раҳбари билан ўрнатиш тавсия қилинади. Раҳбарда энергоаудитни ўтказиш зарурлигига қизиқишнинг пайдо бўлиши бу ишни ўтказишда вужудга келиши мумкин бўлган кўпгина муаммоларнинг бартараф бўлишига олиб келади.
Текшириладиган ташкилотни энергоаудитдан ўтказиш бўйича ишларни ташкил қилиш ва уни ўтказиш одатда тўртта босқичда амалга оширилади:
1-босқич (тайёргарлик босқичи):
Раҳбар билан дастлабки контактни ўрнатиш.
Энергоресурсларни ишлаб чиқариш ва тақсимлаш тизимларининг асосий истеъмолчилари ва умумий тузилиши билан, энергия билан таъминловчи корхонанинг олдида турган – унинг нормал фаолият кўрсатишини қийинлаштирадиган муаммолар (қувватларнинг етишмаслиги ва бошқалар) билан танишиш.
Унинг босқичларини бажариш муддатлари ва нархини кўрсатиш билан энергоаудитни ўтказиш бўйича ишлар дастурини ишлаб чиқиш.
Энергоаудитни бажариш шартномасини тузиш.
Буюртмачига энергоаудитни ўтказишда дастлабки маълумотларни тўплаш учун ишлаб чиқилган жадвалларни тўлдириш учун бериш.
2-босқич (бирламчи энергоаудит):
Умумий ҳужжатли маълумотларни тўплаш:
йиллик базавий ва жорий давр учун энергоресурсларнинг истеъмоли ва тақсимланиши бўйича;
фойдаланиладиган асбоб-ускуналар, уларнинг технологик тавсифлари, эксплуатация қилиш давомийлиги ва режимлари, техник ҳолати бўйича;
ресурсларнинг тақсимланиши ва уй-жой-коммунал сектор объектлари жойлашишининг умумий схемалари;
мавжуд лойиҳа ҳужжатлари ва лойиҳа самарадорлик кўрсаткичлари, амалдаги энергоресурсларни ҳисобга олиш тизими билан танишиш. Энергоресурслар билан таъминлаш тизимлари ва яшаш фондининг асбоб-ускуналарини эксплуатация қилиш режимлари, энергоресурслар билан таъминлаш бўйича амалдаги шартномалар ва тарифларни таҳлил қилиш;
энергоресурсларни ички ва тижорат ҳисобга олиш тизимининг борлиги;
Ёқилғи-энергия ресурсларини истеъмол қилиш картасини тузиш, қувват етишмаслигини аниқлаш.
Уй-жой-коммунал секторнинг қуйидаги энергоресурслар билан таъминлаш тизимларининг ҳолати билан танишиш:
иссиқлик таъминоти;
ээлектр таъминоти;
сув таъминоти;
сувни олиб чиқиб кетиш;
яшаш фонди;
ёритиш.
Ёқилғи-энергия ресурсларини тежаш имкониятларини дастлабки баҳолаш, энергияни тежаш потенциалига эга бўлган тизимлар ва қурилмаларни аниқлаш.
Тўлиқ энергоаудитни ўтказиш дасттурини ишлаб чиқиш ва келишиш.
Энергоаудитни ўтказиш бўйича шартноманинг мазмуни, муддатлари ва нархини корректировкалаш (зарурат бўлганда).