Denov tadbirkorlik va pedagogika instiuti

Kafedra mudiri: K.U.Turabayeva 

---

3 
KIRISH 
Mamlakat iqtisodiyotida qishloq xo'jaligining o'rni va ahamiyati ulkan. Kelajakda respublika 
iqtisodiyotini barqaror rivojlanishini ta'minlash uchun qishloq xo'jaligini yuksaltirish ob'ektiv 
zaruriyat hisoblanadi. 
Qishloq va turmush darajasini yuksaltirishga ishlab chiqarish munosabatlarining mazmun-
mohiyatini o'zgartirishga ASMda olib borilayotgan islohotlarni chuqurlashtirishga, xususiy fermer 
xo'jaliklari o'z mohiyatiga ko'ra qishloq xo'jaligi ishlab chiqarishning asosiy shakliga, sohani barqaror 
va samarali rivojlantirishni ta'minlaydigan chora-tadbirlar tizimini belgilab berdi. 
Talabalarga mazkur fan xususiyatlari doirasida O‘zbekiston Respublikasi Prezidenti 
SH.M.Mirziyoyevning “Asosiy vazifamiz-vatanimiz taraqqiyoti va xalqimiz farovonligini yanada 
yuksaltirishdir” nomli asarida keltirilgan materiallar, qoidalar va xulosalarni puxta o‘zlashtirishlari, 
kelgusi faoliyatida samarali foydalanishlari hamda ijodiy yondashishlarini ta’minlash fanni o‘rganish 
oldida turgan asosiy vazifalardan biridir. 
Qishloq xo‘jaligini bozor iqtisodiyoti qonunlari talablari darajasida rivojlantirish uchun 
tarmoqda erkin faoliyat ko‘rsatish imkoniyatiga ega bo‘lgan turli xildagi mulk shakllarini, ularga 
asoslangan tadbirkorlik turlari va ular o‘rtasidagi erkin bozor munosabatlarining nazariy, uslubiy 
asoslarini erkinlashtirish, takomillashtirish, investitsiyalarni jalb etib, fan-texnika yutuqlarini, yangi 
texnikalarni, ilg‘or texnologiyalarni ishlab chiqarishga joriy etish, barcha resurslardan, kapitaldan 
to‘liq va samarali foydalanish yo‘llarini belgilash, barcha xarajatlarni tejash, mehnat unumdorligini 
yuksaltirish, rag‘batlantirish tizimini takomillashtirish, servisni rivojlantirish hamda foyda summasini 
ko‘paytirish yo‘llarini asoslangan holda belgilab olish lozim.
Yuqoridagi muammolarni erkin bozor qonun va qonuniyatlari asosida O‘rganish shu fanning 
maqsadi hisoblanadi. Fanning maqsadi quyidagi vazifalarni hal etishni talab etadi: respublika 
iqtisodiyotida qishloq xo‘jaligining O‘rnini, ahamiyatini, tarmoqdagi amalga oshirilayotgan agrar-
iqtisodiy islohotlar, ularni chuqurlashtirish yo‘nalashlarini, tadbirkorlik shakllarini rivojlanishini, 
samaradorligini, FTT, innovatsion texnologiyalar, ularga bo‘lgan talab va iqtisodiy baholash, ulardan 
foydalanish samaradorligini, xarajatlar, ularni kamaytirish, daromadlar, foydalar, ularni ko‘paytirish 
yo‘llarini, mahsulotlarni ishlab chiqarish, ularni samarali taqsimlash, tarmoqdagi baholar tizimi, 
ularni taqsimlashtirish va tarmoqlar iqtisodi, ularga iqtisodiy baho berish hamda rivojlantirish 
yo‘llarini o‘rganish. 
Qishloq 
xo'jaligida 
amalga 
oshirilayotgan 
asosiy 
iqtisodiy 
munosabatlarning, 
tushunchalarning mazmun va mohiyatini respublika makroiqtisodiyot va statistika hamda Qishloq va 
suv xo'jaligi vazirliklari ma'lumotlaridan foydalanib, jadvallar, diagrammalar, grafiklar yordamida 
yoritishga intildik.