Denov tadbirkorlik va pedagogika instituti ijtimoiy-iqtisodiy fakulteti xorijiy til va adabiyoti kafedrasi

Fakultet dekani:___________ Z. Rahmatullayev


Kelishildi:
O’quv-uslubiy bo’lim boshlig’i:_________________ B.Primqulov
Kirish
O`zbekiston Respublikasining tashqi siyosatida Xitoy Xalq Respublikasi bilan bo`lgan aloqalar alohida e’tiborga sazovordir. O`zbekiston Respublikasi birinchi prezidenti I.A.Karimov tomonidan bu xususda quyidagi fikr bildirilgan: “Xitoy dunyodagi eng katta mamlakatlardan biri hisoblanadi. XXR BMTning Xavfsizlik Qo`mitasiga a’zo bo`lgan 5 davlatlardan biri hisoblanadi. Shu bois, XXR bilan hamkorlik aloqalarini o`rnatish dunyodagi tinchlikni barqarorlashtirish, Markaziy Osiyo regionidagi bararorlikni ta’minlash bilan barobardir”. Xitoyning BMT Xavfsizlik Qo`mitasining doimiy a’zosi ekanligi, ham ahamiyatga molik masalalarni hal etishda uning nuqtai-nazariga alohida e’tibor berilishi, harbiy salohiyati, koinotni tadqiq etishdagi yutuqlari, shuningdek, Yalpi ichki mahsulot, tashqi savdo va eksport hajmi jihatidan etakchi o`nlikka kirishi CHin yurtining jahon iqtisodiyoti va xalqaro siyosat maydonidagi o`rni haqida muayyan tasavvur beradi. “Osiyo ajdarlari”ning aksariyatini tashvishga solgan 1997 yildagi janubiy-sharqiy Osiyo iqtisodiy bo`hroni Xitoyga jiddiy ta’sir ko`rsatmaganligi ham uning nechog’lik qudratli ekanligidan dalolatdir.
Hozirgi kunda xitoy tilini mukammal bilish davr talabiga aylanmoqda, negaki XXR ulkan qadamlar bilan rivojlanib bormoqda. Ushbu rivojlanish boshqa davlatlar, xususan O`zbekiston Respublikasining siyosati, iqtisodi, madaniy-ma’rifiy sohalariga ta’sir o`tkazib kelmoqda. Bu ta’sirning ijobiy yoki salbiyligini esa aynan til bilish, etuk xitoyshunoslar maktabini shakllantirish yordamida hal etish mumkun. O`zbek xitoyshunosligi maktabining faxrli namoyondalarining xitoyshunoslik sohasini rivojlantirish borasida boshlagan ishlari hozirgi kunda Toshkent davlat sharqshunoslik institutining xitoy filologiyasi kafedrasida an’anaviy tarzda davom etib kelmoqda. Xitoy tilini yuqori va sifatli darajada o`rgatish, mamlakatimizni etuk kadrlar, tajribali tarjimon va sharqshunos olim, filologlar bilan ta’minlash, ushbu kafedra a’zolarining eng asosiy maqsadidir. Ushbu maqsadga etishish uchun xitoyshunos olimlarimiz tomonidan ko`plab o`quv qo`llanmalar, darslik va lug’atlar tayyorlanmoqda. Asosiy sharq tili kursi bakalavr lingvistika yo`nalishida ta’lim olayotgan va ilmiy-pedagogik faoliyatga yo`naltirilgan talabalarning asosiy mutaxassislik fanlari sirasida turadi.