Денов тадбиркорлик ва педагогика институти бобоқулова дилфуза менглибоевна

Тадқиқотнинг республика фан ва технологиялари ривожланишининг устувор йўналишларига мослиги: Мазкур тадқиқот республика фан ва технологиялар ривожланишининг I. “Демократик ва ҳуқуқий жамиятни маънавий-ахлоқий ва маданий ривожлантириш, инновацион иқтисодиётни ривожлантириш” устувор йўналиши доирасида бажарилган.
Муаммонинг ўрганилганлик даражаси. Ўзбекистон Республикасида бўлаётган иқтисодий ўзгаришлар, Президенти Шавкат Мирзиёвнинг Ўзбекистон Республикасининг 2017-21 ларга мўлжалланган ривожланишнинг бешта устувор йўналиши “Ҳаракатлар стратегияси”да кўрсатилган ташаббуслар асосида “Буюк келажагимизни мард ва олижаноб ҳалқимиз билан бирга қурамиз”, “Миллий тараққиёт йўлимизни қатъият билан давом эттириб янги босқичга кўтарамиз”, Ўзбекистон Республикасининг биринчи Президенти Ислом Каримовнинг “Ўзбекистон: миллий истиқлол, иқтисодиёт, сиёсат, мафкура”, “Юксак маънавият – енгилмас куч” каби асарлари биз олиб борган тадқиқот иши учун методологик асос бўлиб хизмат қилди. Аммо бу борада бошланғич синф ўқувчиларга тадбиркорлик, тежамкорлик ва иқтисодий тарбия бериш билан боғлиқ илмий-методик мақола ва қисман тайёрланган ишлар кўзга ташланади халос. Мазкур масала олимларимиз томонидан тизимли равишда етарлича ўрганилмаганлиги кўзга ташланади.
Тадбиркорлик мавзусида маҳалий олимларимиздан Азизов Х.Т.; Бакаев Ш.; Бабакулов С.; Ибратова Ф,; Бурханходжаев Х.В.; Дўстов У.Н.; Нарзиев О.; Отаханов Ф.Х.; Оқюлов О.; Рўзиназаров Ш.Н.; Ибрагимов Б.; Синдаров К.О.; Ходжаев Б ва Худойқулов Х.Ж. лар бу соҳада етарлича илмий тадқиқот ишлар олиб борганлар.
Э.Ғозиев, Б.Р.Қодиров, М.Г.Давлетшин (68), В.Каримова, Р.Суннатова, Л.С.Вигодский, С.Л.Рубинштейн ва бошқа психолог олимлар ўз илмий тадқиқот ишларида ўқувчиларда иқтисодий тарбия жараёнида ақлий қобилиятни шакллантириш, уларнинг психологик асослари ҳақида фикр билдиришган. Шунингдек, Н.Камолова, С.Бобоқуловлар ўқувчи-ёшларда иқтисодий билим, кўникма ва малакаларни ривожлантиришнинг шарт-шароитларини ўрганган ва тадбиркорлик, тежамкорлик ва иқтисодий тарбия бериш муаммолари бўйича илмий тадқиқот ишлари олиб боришган.