Denov filiali pedagogika fakulteti

6-topshiriq. Reja tuzing. Tuzgan rejangiz asosida bayon yozing

293-mashq. Ertakni o‘qing va reja tuzing. Tuzgan rejangiz asosida bayon yozing.

TULKI BILAN QARG‘A.

Bir mayna archaga in qo‘yib, bola ochibdi. Unga ko‘zi tushgan tulki archa tagiga kelib, baqira boshlabdi:

-Omoch yasash uchun shu archani kesib olaman.

Bu gapdan qo‘rqib ketgan mayna:

Jon tulkijon, kesma! Inimni buzib, bolalarimni nobud qilma, - deb yalina boshlabdi.

Shu payt bir qarg‘a kelib qolibdi. U maynaga:

-Sen ko‘p qayg‘urma, maynajon! Unda bolta yo‘q- ku, nima bilan kesadi? -debdi.

Tulki archani dumi bilan yiqitmoqchi bo’libdi, lekin yiqita olmabdi.

Endi ayyor tulki qarg’ani tutib olish uchun o‘zini o‘lganga solib yotibdi. Shunda qarg‘a tulkining boshiga qo'nibdi. Ayyor tulki shu zahoti uni tutib olibdi.

Qarg’a ko‘z yoshlarini oqizib yalina boshlabdi:

- Tulkijon, meni faqat bobomni o‘ldirishgandaka qilib oldirmagin. Bechora bobomni g‘ildirakning gupchagiga tiqib oldirishgan ekan.

Tulki qarg‘ani atayin bobosidek qiynab o’ldirmoqchi bo‘libdi. Qayerdandir g‘ildirak topibdida, qarg‘ani uning gupchagiga tiqibdi. Qarg‘a gupchakning ikkinchi tomonidan chiqib, uchib ketibdi.