Denov filiali pedagogika fakulteti

IV. NAMUNAVIY VA ISHCHI O’QUV DASTURLARI

Download 7,27 Mb. bet 7/551 Sana 23.01.2022 Hajmi 7,27 Mb. #404392

O’zbekiston Respublikasining mustaqillikka erishganiga yigirma yetti yildan oshdi. Mustaqillik ta’lim, fan, madaniyat, san’atning rivojlanishiga keng yo’l ochib berdi. Ayniqsa, u ta’limning rivojlanishiga, birinchi navbatda, oliy ta’limning yuksalishiga keng imkoniyatlar ochdi. Natijada mamlakatimizda ta’limni isloh kilishga, mutaxassislar tayyorlashni jahon andozalariga yaqinlashtirishga kirishildi. O’zbekiston Respublikasining «Ta’lim to’g’risida»gi Qonuni va «Kadrlar tayyorlash milliy dasturi»ning qabul qilinishi ta’limni isloh qilish uchun huquqiy asos bo’ldi.

Respublikamizda jaxon andozalariga mos kadrlar – bakalavr va magistrlar tayyorlashga kirishildi, chunki O’zbekiston Respublikasi birinchi Prezidenti Islom Karimov aytganidek, «...chuqur bilimli, ma’naviy yuksak, yuqori malakali kadrlar yetishtirmay turib, kelajagi buyuk davlat qurish mumkin emas».

Mamlakatimizda kadrlar tayyorlashni milliy dasturi ishlab chiqilishi va uni amalga oshirilishi ta’lim-tarbiya jarayonida g’oyat muhim ahamiyat kasb etadi. Chunki, milliy kadrlar tayyorlash va uni sifat-saviya jihatidan yuksaltirish – bu yuqori malakali o’qituvchi-pedagoglarni tayyorlash bilan birga yosh avlodga ta’lim-tarbiya berishni ham yuqori saviyaga ko’tarilishini asosiy omili bo’lib xizmat qiladi.

Mazkur o’quv-uslubiy majmua 5111700 – Boshlang’ich ta’lim va sport tarbiyaviy ish yo’nalishi III-kurs bakalavr mutaxassisligi uchun mo‘ljallangan bo‘lib, u talabalarni ona tili o‘qitish bo`yicha metodik bilimlar sistemasi bilan tanishtirish, metodik bilimlarni ta`lim jarayonlarga tatbiq etish ko`nikmalarini shakllantiradi.

Dasturda asosan ma’ruza, аmаliy mаshg’ulot, seminar mashg`ulotlari va kurs ishlarining mazmuni, ularga ajratilgan soatlar miqdori, rеyting ballari taqsimoti, mustaqil o‘rganish ushun tavsiya etilgan mavzular, yakuniy nazorat uchun savollar, taqvim reja va foydalaniladigan adabiyotlar ro‘yxati kеltirilgan.