Denov filiali pedagogika fakulteti

1–topshiriq. Fe’l zamonlari boshlang’ich sinflarda qanday tartibda o’rganiladi.
2–topshiriq. Xat savod o’rganish davrida tayyorlov bosqichida fe’l atamasini aytmay fe’l zamonlari yuzasidan qanday bilim beriladi. Misollar keltiring.
3–topshiriq. 3-sinfda fe’l atamasi qo’llanganda bajarilgan, bajarilayotgan va keyin bajariladigan harakat haqida o’quvchilarga tushuncha bering.
4–topshiriq. 4-sinfda fe’l zamonlari atamasi beriladi. Bolalar ilgari harakatning bajarilgan yoki bajarilmaganligiga qarab fe’l zamonlarini belgilash haqida bilimga ega bo’ladi. Izoh bering.
5–topshiriq. Fe’l zamonlari mavzulari bo’yicha dars ishlanmasi tayyorlang
6–topshiriq. Fe’l zamonlarini belgilashga nima asos qilib olinganligiga diqqat qiling va uni tushuntirish usullarini belgilang.
7–topshiriq. Fe’l zamonlarini tushuntirish uchun ko’rgazmali qurol yoki slaydlar tayyorlang.
8–topshiriq. Darsni mustahkamlash uchun mashg’ulotlarni belgilang va mavzuga doir grammatik o’yinlarni toping.
9–topshiriq. Quyida berilgan mashqlarni ko’rib chiqing va fe’llarni toping.


382-mashq. O’qing. So'roqlar yordamida fe’llarni aniqlang.

1. 
   Maktabimiz badiiy havaskorlari tuman ko'rigida birinchi o'rinni egallashdi.
   
2. 
   Dehqonlar ariqlarni tozalayaptilar.
   
3. 
   Sayyora kelajakda shifokorlik kasbini egallamoqchi.
   

Fe’llardan anglashilgan harakatning bajarilish paytini aniqlang. Vaqt so‘ziga ma’nodosh so'zlar toping.


Fe’lda uchta zamon bor: 1) o'tgan zamon; 2) hozirgi zamon; 3) kelasi zamon.
Fe’l zamonlari nutq so'zlab turgan vaqt (payt)ga nisbatan belgilanadi.